Aukaspurning fyrri:
Hver er karlinn hér að ofan?!
***
Aðalspurningar:
1. Í hvaða landi var púðrið fundið upp á 9. öld?
2. Það var ekki fyrr en um öld síðar sem uppgötvaðist að nota mátti það í hernaði. Upphaflega var púður nefnilega ætlað til ... hvers?
3. Giacomo Casanova var Ítali, uppi á 18. öld. Hann stærði sig mjög af afrekum sínum á ... hvað sviði?
4. En hvað ætli nafnið hans þýði — Casanova?
5. Á hvaða menningarsvæði var hjólið fyrst þróað þannig að það nýttist að ráði? Var það í Egiftalandi — Indusmenningu í Indlandi — Kína — Mayaríkinu í Mið-Ameríku — Súmer í Mesópótamíu?
6. Við hvaða listgrein fæst Alicia Keyes?
7. Hvað heitir fimleikafélagið í Kópavogi sem unnið hefur til fleiri verðlauna erlendis en nokkurt annað?
8. Hver skrifaði skáldsögu 1952 sem heitir sama nafni?
9. Í hvaða landi voru rósastríðin háð? Gæta þarf nákvæmni.
10. Eitt virtasta ljóðskáld landsins lést fyrir sex árum, en hún var jafnframt mikilvirkur þýðandi, bæði úr spænsku en ekki síður rússnesku. Hvað hét hún?
***
Aukaspurning seinni:
Þetta er forsetinn í ríki einu að brölta út úr gamla bílnum sínum. Hann hefur nú látið af störfum en var að ýmsu leyti mjög óvenjulegur forseti. En í hvaða landi sat hann að völdum?
Svo er forsetastig í boði fyrir að vita hvað hann heitir.
***
Svör við aðalspurningum:
1. Kína.
2. Lækninga.
3. Ásta og kynlífs.
4. Nýtt hús.
5. Súmer.
6. Tónlist.
7. Gerpla.
8. Halldór Laxness.
9. Englandi — Bretland er hins vegar ekki rétt.
10. Ingibjörg Haraldsdóttir.
***
Svar við aukaspurningum:
Á efri myndinni er Humphrey Bogart.
Á neðri myndinni er Mujica forseti Úrúgvæ 2010-2015.
Spurningaþrautin
Fyrri grein
913. spurningaþraut: Hver af dýrunum okkar heyra best?
Næsta grein
Athugasemdir