Fyrri aukaspurning:

Hér að ofan má sjá unga konu spreyta sig við stjórn sjónvarpsþáttar árið 1983. Hver er konan?

Og svo fæst skonrokksstig ef þið vitið hvað söngkonan í bakgrunninum heitir!

***

Aðalspurningar:

1.  Hvað er kolmunni?

2.  Kolskeggur var bróðir einnar helstu hetju Íslendingasagnanna. Hver var hetjan?

3.  En hvað þýðir orðið kolbítur?

4.  Hvaða ríki í veröldinni flytur inn og notar nærri helminginn af öllum þeim kolum sem nýtt eru í heiminum?

5.  Hversu margir hundar eru taldir vera nú á dögum — svona um það bil? Eru hvuttarnir 9 milljónir, 90 milljónir, 900 milljónir eða 9 milljarðar?

6.  Árið 1853 hófst grimmileg barátta um Krímskaga sem þá tilheyrði rússneska keisaradæminu. Þrjár þjóðir öttu þá kappi við Rússa. Nefnið að minnsta kosti tvær þeirra! 

7.  Hver dó 5. maí 1821 og önduðu þá ýmsir í Frakklandi léttar, ekki síst innan valdastéttarinnar, en aðrir hörmuðu andlátið?

8.  Hver er eini maðurinn sem hefur verið bæði ritstjóri Morgunblaðsins og Fréttablaðsins?

9.  Hvað heitir leikskólinn sem hefur í áratugi verið við Tjörnina í Reykjavík?

10.  En hvaða hús stendur nánast á móti þessum leikskóla og er iðulega í fréttum?

***

Seinni aukaspurning:

Hvað heitir leikkonan sem hér sést?

***

Svör við aðalspurningum:

1.  Fisktegund.

2.  Gunnar á Hlíðarenda.

3.  Olnbogabarn eða dugleysingi. Ég gef rétt fyrir hvaðeina sem nálgast nógu mikið aðra hvora merkinguna.

4.  Kína.

5.  900 milljónir.

6.  Bretland, Frakkland og Tyrkland.

7.  Napóleon.

8.  Ólafur Stephensen.

9.  Tjarnarborg.

10.  Ráðherrabústaðurinn.  

***

Svör við aukaspurningum:

Á efri myndinni er Edda Andrésdóttir. Og í bakgrunninum er Stevie Nicks.

Á neðri myndinni er Sigrún Edda.