Fyrri aukaspurning:
Afmælisbarn dagsins. Hvað heitir stúlkan á myndinni hér ofan, en hún fæddist 1. júlí 1961.
***
1. Fyrsti júlí er í dag, við höfum spurningarnar um þá staðreynd að mestu, en við hvað eða hvern eða hverja er júlí kenndur?
2. Tveir konungar Danmerkur (og þar með Íslands) fæddust 1. júlí — annar 1481 en hinn 1534. Báðir báru þeir númerið 2. sem sýnir að þeir hétu hvor sínu nafninu. Hvað hétu þessir dönsku kóngar?
3. Á þessum degi árið 2000 var opnað á Norðurlöndunum rúmlega 8 kílómetra langt samgöngumannvirki sem fólst í brú, vegi og jarðgöngum. Milli hvaða þéttbýlisstaða?
4. Á þessum degi 2004 lést bandarískur leikari sem gerði garðinn frægan í myndum eins og Apocalypse Now! og Guðföðurnum 1, en hann lék líka pabba Súpermanns! En hann varð kannski allra frægastur þegar hann hafnaði Óskarsverðlaununum. Hvað hét hann?
5. Á þessum degi 1978 fæddist íslenskur rithöfundur sem hefur gefið út fjölmargar skáldsögur sem sumar hafa vakið heilmikla athygli. Hinar nýjustu heita t.d. Einlægur Önd, Hans Blær, Heimska og Illska. Höfundurinn skartar yfirleitt fögrum svörtum kúluhatti þegar til hans sést. Hvað heitir þessi höfundur?
6. Á þessum degi 1986 var fyrsta konan á Íslandi skipuð Hæstaréttardómari. Hver var hún?
7. 1. júlí 1908 var þriggja stafa Morse-tákn tekið upp sem alþjóðleg hjálparbeiðni eða neyðarkall. Hvaða tákn?
8. Þann 1. júlí 2013 bættist 28. ríkið í Evrópusambandið og síðan hafa ekki fleiri bæst við. Hvaða ríki var þetta?
9. En eitt ríki hefur hins vegar heltst úr lestinni síðan svo ríkin eru nú aðeins 27. Hvaða ríki var það?
10. Þann 1. júlí 1975 fæddist bandarískur tónlistarmaður sem kom í heimsókn til Íslands 2006 og hélt tvenna tónleika í Fríkirkjunni í Reykjavík af öllum stöðum. Hann hefur gefið út margt og mikið, en vakti sérstaka athygli þegar hann lýsti því yfir 2003 að hann ætlaði að gefa út 50 plötur sem hver um sig yrði helguð einu ríki Bandaríkjanna. Ekki veit ég samt til þess að út hafi komið nema tvær plötur, svo lagði hann áform sín á hilluna. En hvað hét hann? Sérstakt Fríkirkjustig er í boði fyrir þau sem geta nefnt a.m.k. annað af ríkjunum tveim sem hann náði að gefa út plötur um.
***
Seinni aukaspurning:
Þessi græja kom á markað 1. júlí 1979. Hvað hét hún?
***
Svör við aðalspurningum:
1. Júlíus Caesar.
2. Kristján 2. og Friðrik 2.
3. Kaupmannahafnar og Málmeyjar.
4. Marlon Brando.
5. Guðrún Erlendsdóttir.
6. Eiríkur Örn Norðdahl.
7. SOS.
8. Króatía.
9. Bretland.
10. Sufjan Stevens. Annaðhvort nafnin dugar. Ríkin tvö voru Michigan og Illinois Hér er brot úr tónleikum Stevens í Fríkirkjunni:
***
Svör við aukaspurningum:
Á efri myndinni er Díana, síðar prinsessa.
Á neðri myndinni er Walkman.
Spurningaþrautin
Fyrri grein
795. spurningaþraut: Hvað er Danmörk stór hluti Íslands?
Næsta grein
Athugasemdir