Fyrstu tveir fram­bjóð­end­urnir á lista Sós­í­alista­flokks­ins segja báðir að ekki komi til greina að vinna með Sjálf­stæð­is­flokknum að afloknum kosn­ingum á laug­ar­dag. Flokk­ur­inn hafi úti­lokað sam­starf við auð­valds­flokka. Það séu bæði Sjálf­stæð­is­flokkur og Viðreisn. 

„Við Sós­í­alistar úti­lokum sam­starf með Sjálf­stæð­is­flokki og öllum auð­valds­flokkum eins og ég hef víða sagt,“ skrifar Sanna Magda­lena Mörtu­dóttir odd­viti Sós­í­alista­flokks­ins, á Facebook í til­efni af sam­an­tekt á svörum odd­vit­anna í Reykja­vík um sam­starf að loknum kosn­ingum í odd­vita­kapp­ræðum Stund­ar­innar.

Sams­konar athuga­semd barst frá öðrum manni á lista flokks­ins vegna frétt­ar­innar, Trausta Magn­ús­syni, vegna sam­an­tekt­ar­innar. Þar til­tók hann ekki bara Sjálf­stæð­is­flokk heldur líka Viðreisn. „Við viljum árétta að Sanna hefur oft tekið fram að við úti­lokum sam­starf við Sjálf­stæð­is­flokk­inn og Viðreisn, semsé auð­valds­flokka,“ skrif­aði hann. 

Í odd­vita­kapp­ræðum Stund­ar­innar sagð­ist Sanna vilja vinstri meiri­hluta eftir kosn­ingar. „Við þurfum vinstri meiri­hluta og við getum starfað með öllum flokkum sem taka slag­inn fyrir fólkið sem hafa verið skilin eftir hér í borg­inni. Af því við þurfum að byggja borg­ina hér á jöfn­uði og útrýma órétt­læt­inu,“ sagði hún. En þarna átti hún ekki við Sjálf­stæð­is­flokk­inn.