Þessi grein birtist upphaflega í Stundinni fyrir meira en 2 árum.

Faðir fjármálaráðherra á meðal þeirra sem fengu að kaupa í Íslandsbanka

List­inn yf­ir kaup­end­ur í Ís­lands­banka var birt­ur rétt í þessu þrátt fyr­ir and­stöðu Banka­sýslu rík­is­ins. Þekkt nöfn eru tengd fé­lög­um á list­an­um, sem komu að bank­an­um fyr­ir hrun. Með­al ann­ars Þor­steinn Már Bald­vins­son, Jón Ás­geir Jó­hann­es­son, Guð­björg Matth­ías­dótt­ir og Bene­dikt Sveins­son, fað­ir fjár­mála­ráð­herra. List­inn er birt­ur hér í heild.

Faðir fjármálaráðherra á meðal þeirra sem fengu að kaupa í Íslandsbanka
Áberandi kaupendur Á meðal þeirra sem voru valdir til að kaupa í Íslandsbanka eru aðilar sem leiddu bankann fyrir efnahagshrunið.

Listinn yfir fjárfesta sem fengu boð um að kaupa í útboði ríkisins á hlutabréfum í Íslandsbanka var birtur rétt í þessu á vef fjármálaráðuneytisins. Stærstu kaupendurnir eru lífeyrissjóðir, en á listanum eru nöfn fjárfesta sem hafa verið umtalaðir í umræðu um efnahagshrunið og tengdust umdeildum viðskiptum í bankanum fyrir hrun.

Birtingin á sér stað sama dag og stjórnarformaður Bankasýslunnar, návinur Bjarna Benediktssonar, Lárus Blöndal, sagði í samtali við Dagmál hjá Morgunblaðinu að hann teldi ekki heimild fyrir því að birta listann og lagði til að birting upplýsinga um kaupendur yrði hluti af skilyrðum í næstu atrennu einkavæðingar. 

Í yfirlýsingu fjármálaráðuneytisins segir að ekki hafi verið fallist á andstöðu og röksemdir Bankasýslunnar. „Að mati ráðuneytisins falla upplýsingar um viðskipti á milli ríkissjóðs og fjárfesta ekki undir bankaleynd og með hliðsjón af mikilvægi þess að gagnsæi ríki um ráðstöfun opinberra hagsmuna hefur ráðherra ákveðið að birta yfirlitið.“

Í þessari lotu sölu á hlut ríkisins í Íslandsbanka bauðst almenningi ekki að kaupa, heldur voru svokallaðir fagfjárfestar, sem uppfylltu tiltekin skilyrði, handvaldir og hringt í þá eftir lokun markaða og þeim boðið að taka þátt. 

Meðal beinna og óbeinna kaupenda í gegnum félög eru Jón Ásgeir Jóhannesson, stærsti eigandi í Glitni fyrir efnahagshrunið, Þorsteinn Már Baldvinsson, forstjóri Samherja og stjórnarformaður bankans fyrir hrun, útgerðarfélagið Jakob Valgeir ehf. og Benedikt Sveinsson, faðir Bjarna Benediktssonar fjármálaráðherra, sem var líkt og Bjarni sjálfur, stórtækur í viðskiptum við og með bankann fyrir efnahagshrunið og náði að forða bæði hlutafé og verðbréfum skömmu fyrir fall bankans 2008.

Þorsteinn Már Baldvinsson, sem var stjórnarformaður bankans í hruninu, kaupir fyrir 296 milljónir króna í gegnum Eignarhaldsfélagið Stein, sem hann á til jafns við fyrrverandi eiginkonu sína, Helgu Steinunni Guðmundsdóttur.

Rétt eins og fyrrverandi stjórnarformaður bankans, er stærsti eigandi hans fyrir hrun að bæta við sig hlut. Jón Ásgeir Jóhannesson, fyrrverandi aðaleigandi Baugs, fer fyrir eignarhaldsfélaginu Streng, sem á liðlega helming í Skel fjárfestingafélagi hf, áður Skeljungi, sem fékk að kaupa fyrir 450 milljónir króna.

Faðir Bjarna, Benedikt Sveinsson, er sá 118. stærsti meðal kaupenda í lotunni. Hann kaupir í gegnum félag sitt Hafsilfur ehf. samtals fyrir 55 milljónir króna, 0,1% fáanlegra hluta í útboðinu. Benedikt á 100% hlut í Hafsilfri. 

Þá á Jón Sigurðsson fjárfestir, sem var forstjóri FL Group fyrir hrun, sem síðar hétu Stoðir hf, endurkomu með 175,5 milljón króna kaupum í gegnum Stoðir.

Karl Wernersson, áður kenndur við Milestone, einn helsta eiganda bankans fyrir hrun, tengist kaupum með því að Lyf og heilsa kaupa fyrir 225 milljónir. Karl kom félaginu í hendur sonar síns í umdeildri fjárhagslegari endurskipulagningu árið 2017.

Einnig má nefna tvö félög í eigu Þórðar Más Jóhannessonar, fjárfestis og fyrrverandi forstjóra Straums fjárfestingarbanka og Gnúps, sem keyptu í útboðinu fyrir rúmlega 100 milljónir króna. Þau félög heita Brekka retail ehf. og Fjárfestingarfélagið Brekka ehf. Þórður Már varð landsþekktur fyrir skömmu vegna aðkomu sinnar að máli Vitalíu Lazarevu sem leiddi til þess að hann hætti sem stjórnarformaður smásölufyrirtækisins Festar, eiganda Krónunnar meðal annars. 

Jakob Valgeir með tæpan milljarð

Guðbjörg Matthíasdóttir, sem er aðaleigandi Morgunblaðsins og einn umsvifamesti útgerðareigandi landsins, fær úthlutað einna stærstum hluta einstakra kaupenda, eða 468 milljónum króna í gegnum eignarhaldsfélagið Kristinn ehf. 

Enn stærri er þó hlutur Jakobs Valgeirs ehf, sem fær að kaupa fyrir 936 milljónir króna. Jakob Valgeir er í eigu eiginkonu samnefnds útgerðarmanns og bræðra hans. Jakob Valgeir Flosason fékk 20 milljarða króna lán til að kaupa í Glitni fyrir hrun, í máli sem var rannsakað sem umboðssvik og markaðsmisnotkun. Forstjóri bankans, Lárus Welding, var dæmdur í fimm ára skilorðsbundið fangelsi fyrir viðskiptin.

Meðal annarra einstaklinga í kaupendahópnum eru Bogi Þór Siguroddsson og Linda Björk Ólafsdóttir, eigendur heildverslunarinnar Johan Rönning, sem kaupa í gegnum félagið sitt Bóksal ehf. fyrir 1,17 milljarð króna.

Valdimar Grímsson, fyrrverandi handknattleikslandsliðsmaður, kaupir fyrir 225 milljónir króna. Halldór Kristmannsson, fyrrverandi hægri hönd Róberts Wessman, eiganda Alvogen, kaupir fyrir 69 milljónir króna.

Stærstu kaupendurnir eru þó lífeyrissjóðirnir Gildi, LSR, Brú og Lífeyrissjóður verslunarmanna. 

11% hækkun á hlutunum

Alls var boðinn út 22,5% hlutur ríkisins, að verðmæti 52,7 milljarðar króna, 22. mars síðastliðinn, eftir lokun markaða. Veittur var afsláttur af kaupunum. Hringt var í fjárfesta og þeim boðið að kaupa. Hlutir í Íslandsbanka voru seldir á 117 krónur, en gengi dagsins hafði verið 122 krónur, eða 4,3% hærra en söluverð Bankasýslunnar. Gengið náði mest 130 krónum í dag og hefur hlutur þeirra sem fengu að kaupa því hækkað um 11%. Þannig hefur hlutur Benedikts Sveinssonar hækkað um 6 milljónir króna í virði frá 22. mars. Einn þeirra einstaklinga sem fékk hvað stærstan hlut, útgerðin Jakob Valgeir ehf, hefur hagnast um 102 milljónir króna með kaupunum.

Sátt um söluferlið

Í tilkynningu fjármálaráðuneytisins í dag er ferill sölunnar rakinn. „Þann 18. mars sl. ákvað ráðherra, að fengnum umsögnum efnahags- og viðskiptanefndar og fjárlaganefndar Alþingis, auk umsagnar Seðlabanka Íslands, að hefja framhald sölumeðferðar á hlutum í bankanum í samræmi við tillögu Bankasýslu ríkisins. Meirihlutar beggja þingnefnda mæltu með því að hafist yrði handa við framhald sölu. Þá taldi Seðlabankinn í umsögn sinni að jafnræði bjóðenda yrði tryggt og var salan talin hafa takmörkuð áhrif á gjaldeyrismarkað, gjaldeyrisforða bankans og laust fé í umferð.“

Kaupendalistinn í heild

Kjósa
0
Hvernig finnst þér þessi grein? Skráðu þig inn til að kjósa.

Athugasemdir (9)

Skráðu þig inn til að skrifa athugasemd eða kjósa.
  • Hlynur Jörundsson skrifaði
    Nei. Bjarni er ekki vondi karlinn af því pabbi hans fjárfestir skynsamlega. Hugsið út í það... haldið þið virkilega faðir hans hafi slegið á þráðinn og sagt "Bjarni minn ég ætla koma þér í rosalegan bobba"?

    Og Þorsteinn Már er ekki vondi karlinn í þessu dæmi heldur... alþingismenn allir eru það aftur á móti.

    Snúið ykkur að kerfinu sem gersamlega ábyrgðarlaust fór í lokaða sölu þar sem spákaupmenn... þetta eru ekki alvöru fagfjárfestar... orðið er bara orðskrýpi til að slá ryk í augun á ykkur. Og út frá þeirri apaskylgreiningu eru þetta réttmætir fjárfestar. En sem kjölfestu eða ábyrgir aðilar þá þarf að skoða hvernig þeir eru bundnir í kaupsamningum.

    Og þeir eru óbundnir ekki satt ? Geta selt á morgun með glimrandi hagnaði.

    Enn einn gjafagerningur frá leiðtogum stjórnmálaflokka til velunnarra sinna og verður aldrei borið saman við erlenda söluskilmála... að minnsta kosti ekki af rannsóknarblaðamönnum sem þurfa að fá duglegt spark í rassinn því umfjöllunin er öll á manninn... fáein skifti um boltann ... en aldrei lagst af fullum þunga á reglugerða og regluverksaðilana... sem bera 100 % ábyrgðina.

    Ef ég væri með sambærilegan lista yfir íslendinga og viðskifti þeirra erlendis við banka og fyrirtækjaskrá Panama sem ég gaf skattrannsóknarstjóra á meðan hún var lokuð ... þá myndi ég einfaldlega ekki treysta ykkur samlöndum mínum fyrir þeim upplýsingum af því þið fokkið allri hreingerningu upp. Það eru öngvar rannsóknir nema málarmynda og engin viðurlög og frelsararnir eru ekki fyrr komnir í feitu sætin en þeir eru þagnaðir... ekki satt Björn ... Þórður ???
    2
    • Omar Sigurjónsson skrifaði
      Svo kaus þjòðin aftur 3 af fjórflokkunum og það er kannski òskilanlegast af öllu.
      0
  • Steinþór Grímsson skrifaði
    Var einhver hissa?
    3
  • Sveinn Hansson skrifaði
    Og ekkert vaselín notað.
    6
  • Sigmundur Guðmundsson skrifaði
    Ísland er YNDISLEGT land !!!!!!

    Ég hef aldrei séð á eftir því að flytja þaðan :-)
    5
  • ADA
    Anna Dóra Antonsdóttir skrifaði
    Það er bara svona, bankaræningjunum hleypt aftur að borðinu eins og ekkert hafi gerst árið 2008, hvað segir hið háa Alþingi við þessu!
    10
  • Þór Saari skrifaði
    Það er nákvæmlega svona sem gerspillt pólitísk yfirstétt hagar sér. Gaukar eigum almennings, í þessu tilfelli Íslandsbanka, til vina og vandamanna fjármálaráðherra og yfirstéttarinnar í Sjálfstæðisflokknum og beitir fyrir sig "bankaleynd," hugtaki sem er ekki til í lögum. Spilltir og siðlausir formennn Framsóknarflokks og Vinstir-grænna horfa á með velþóknun og kjósendur þeirra sannfæra sjálf sig um að þetta sé bara all gott fyrirkomulag.
    19
    • Hlynur Jörundsson skrifaði
      Þetta snýst allt um hvatana Þór minn.... og meðan sýndarreglur og lög eru athugasemdarlaust sett sem ganga þvert á hvatana og veita ekki neina hvata til að fylgja reglunum ... eða réttar sagt upprunarlega tilgangnum.... verður engin breyting. Píratar og Viðreisn vissu auðvitað alveg hvað til stóð... ekki vera svona trúgjarn að halda það sé eðlismunur á flokkum.
      0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Salan á Íslandsbanka

Bjarni segir það Alþingi að kenna að hann hafi ekki gætt að hæfi sínu
FréttirSalan á Íslandsbanka

Bjarni seg­ir það Al­þingi að kenna að hann hafi ekki gætt að hæfi sínu

Bjarni Bene­dikts­son, fyrr­ver­andi fjár­mála- og efna­hags­ráð­herra, seg­ir að hann hafi gert ráð fyr­ir bless­un þings­ins á að ekki þyrfti að gæta að hæfi hans gagn­vart hverj­um og ein­um kaup­anda á Ís­lands­banka í mars 2022. Þing­inu hefði átt að vera aug­ljóst að ekki væri hægt að fylgja hæfis­regl­um í sölu­með­ferð­inni sem val­in var. Bjarni sat fyr­ir svör­um á opn­um fundi stjórn­skip­un­ar- og eft­ir­lits­nefnd­ar í dag.

Mest lesið

Verðbólga hækkar meira en væntingar gerðu ráð fyrir
8
FréttirEfnahagsmál

Verð­bólga hækk­ar meira en vænt­ing­ar gerðu ráð fyr­ir

Vísi­tala neyslu­verðs hækk­aði um 0,46% frá því í júní. Ár­s­verð­bólga mæl­ist nú 6,3 pró­sent en var kom­in nið­ur í 5,8 pró­sent síð­asta mán­uði. Það er meiri hækk­un en spár við­skipta­bank­anna gerðu ráð fyr­ir. Auk­in verð­bólga þýð­ir að minni lík­ur eru á því að stýri­vaxta­hækk­an­ir muni eiga sér stað á þessu ári eins og von­ast var til.

Mest lesið

Mest lesið í vikunni

Uppskera íslenskra kartaflna skemmdist á 48 tímum: „Aldrei séð annað eins“
1
FréttirNeytendamál

Upp­skera ís­lenskra kart­aflna skemmd­ist á 48 tím­um: „Aldrei séð ann­að eins“

Heit­ar um­ræð­ur sköp­uð­ust á Face­book í gær eft­ir að Ingi­björg Sól­rún Gísla­dótt­ir greindi frá því að heill poki af nýj­um kart­öfl­um hefði reynst skemmd­ur. Gunn­laug­ur Karls­son, for­stjóri Sölu­fé­lags garð­yrkju­manna, seg­ist aldrei hafa séð ann­að eins. Upp­sker­an hafi skemmst á tveim­ur sól­ar­hring­um.
Greiddu 17 milljónir fyrir skýrslu um stöðu drengja
2
Fréttir

Greiddu 17 millj­ón­ir fyr­ir skýrslu um stöðu drengja

Skýrsla um stöðu drengja í skóla­kerf­inu sem unn­in var að beiðni mennta- og barna­mála­ráð­herra og há­skóla-, iðn­að­ar- og ný­sköp­un­ar­ráð­herra kostaði sam­an­lagt um 13,7 millj­ón­ir króna auk virð­is­auka­skatts og hljóð­ar heild­ar­upp­hæð­in því upp á rúm­ar 17 millj­ón­ir. Tryggvi Hjalta­son, grein­andi hjá CCP, er eini höf­und­ur skýrsl­unn­ar. Í sam­tali við Heim­ild­ina seg­ist hann hafa unn­ið að skýrsl­unni sam­hliða öðr­um störf­um en vinn­an tók um eitt og hálft ár.
Öskraði í sturtu því hún mátti ekki hitta dóttur sína
5
Viðtal

Öskr­aði í sturtu því hún mátti ekki hitta dótt­ur sína

Guð­laug Elísa­bet Ólafs­dótt­ir, kúa­bóndi og leik­kona, er orð­in goði. Nýi goð­inn hef­ur upp­lif­að gleði og sorg­ir og varð líf­ið hel­víti lík­ast þeg­ar hún fékk ekki að um­gang­ast barn­unga dótt­ur sína, sem frændi henn­ar og mað­ur hans höfðu ætt­leitt. Stúlk­an vildi fyr­ir nokkr­um ár­um hitta móð­ur sína og eru sam­skipt­in við feð­urna góð í dag en lær­dóm­ur­inn var mik­ill: „Ég hef trú á að það hjálpi mér við að um­gang­ast fólk í djúpu og miklu sorg­ar­ferli.“
Þurftu að kalla fólk niður af fjalli til að færa bílana
6
Fréttir

Þurftu að kalla fólk nið­ur af fjalli til að færa bíl­ana

Daní­el Freyr Jóns­son, svæð­is­sér­fræð­ing­ur í nátt­úru­vernd­art­eymi, seg­ir stans­laus­ar tepp­ur hafa ver­ið á bíla­stæð­um við Land­manna­laug­ar áð­ur en far­ið var að inn­heimta bíla­stæða­gjöld á álags­tím­um í sum­ar. Kalla hafi þurft bíl­stjóra nið­ur af fjöll­um til að færa bíl­ana til að greiða leið fyr­ir rút­um. Nýja fyr­ir­komu­lag­ið hafi hlot­ið góð við­brögð hjá gest­um.
Meðallaun segja ekki allt varðandi kjör fólks í landinu
8
GreiningMillistétt í molum

Með­al­laun segja ekki allt varð­andi kjör fólks í land­inu

Reglu­lega er töl­um um með­al­laun Ís­lend­inga fleygt fram í um­ræð­unni og þau gjarn­an sögð vera óvenju­há í sam­an­burði við önn­ur lönd. Í fyrra voru heild­ar­laun full­vinn­andi fólks að með­al­tali 935.000 þús­und krón­ur á mán­uði. Hins veg­ar fær flest starf­andi fólk mán­að­ar­laun sem eru lægri en þetta með­al­tal. Að ýmsu þarf að gæta þeg­ar með­al­tal­ið er rætt því hlut­fall­ið seg­ir ekki alla sög­una.
„Enginn sem tekur við af mér“
9
Viðtal

„Eng­inn sem tek­ur við af mér“

Það er barn­ing­ur fyr­ir marga að vera sjálf­stætt for­eldri á ein­um tekj­um. En hver er stað­an ef for­eldr­ið er al­far­ið eitt með barn­ið? Hvað ef barn­ið glím­ir við sér­tæk­ar grein­ing­ar? Alma Hrönn Hrann­ar­dótt­ir og Diljá Ámunda­dótt­ir Zoëga eru báð­ar ein­ar á vakt­inni, alltaf. Mæð­urn­ar hafa glímt við heilsu­brest vegna álags, með­vit­að­ar um að ef eitt­hvað kem­ur fyr­ir þær er eng­inn sem tek­ur við af þeim.
Einstæðir foreldrar berjast í bökkum
10
Fréttir

Ein­stæð­ir for­eldr­ar berj­ast í bökk­um

Nú­ver­andi efna­hags­ástand hef­ur sett heim­il­is­bók­hald­ið hjá mörg­um lands­mönn­um úr skorð­um. Ástand­ið kem­ur verst nið­ur á þeim sem búa ein­ir og reiða sig á stak­ar mán­að­ar­tekj­ur. Sá tími þeg­ar ein­stak­ling­ar með lág­ar eða með­al­tekj­ur gátu rek­ið heim­ili er löngu lið­inn. Lít­ið má út af bregða hjá stór­um hluta ein­stæðra for­eldra til þess þau þurfi ekki að stofna til skuld­ar.

Mest lesið í mánuðinum

Uppskera íslenskra kartaflna skemmdist á 48 tímum: „Aldrei séð annað eins“
1
FréttirNeytendamál

Upp­skera ís­lenskra kart­aflna skemmd­ist á 48 tím­um: „Aldrei séð ann­að eins“

Heit­ar um­ræð­ur sköp­uð­ust á Face­book í gær eft­ir að Ingi­björg Sól­rún Gísla­dótt­ir greindi frá því að heill poki af nýj­um kart­öfl­um hefði reynst skemmd­ur. Gunn­laug­ur Karls­son, for­stjóri Sölu­fé­lags garð­yrkju­manna, seg­ist aldrei hafa séð ann­að eins. Upp­sker­an hafi skemmst á tveim­ur sól­ar­hring­um.
Þau sem hafa hagnast ævintýralega á Þorpinu
2
FréttirHúsnæðismál

Þau sem hafa hagn­ast æv­in­týra­lega á Þorp­inu

Ár­ið 2021 keypti hóp­ur fjár­festa í gegn­um eign­ar­halds­fé­lag­ið Þorp­ið 6 ehf. lóð­ir og bygg­ing­ar­rétt­indi á Ár­túns­höfða í Reykja­vík fyr­ir 7,4 millj­arða króna. Fyrr á þessu ári voru lóða­rétt­ind­in seld fyr­ir ell­efu millj­arða króna án þess að nokk­uð hafi ver­ið byggt á svæð­inu. Við­skipt­in sýna vel hvernig fjár­fest­ar geta hagn­ast æv­in­týra­lega með því að kaupa og selja lóð­ir og bygg­ing­ar­rétt­indi á til­tölu­lega skömm­um tíma.
Greiddu 17 milljónir fyrir skýrslu um stöðu drengja
4
Fréttir

Greiddu 17 millj­ón­ir fyr­ir skýrslu um stöðu drengja

Skýrsla um stöðu drengja í skóla­kerf­inu sem unn­in var að beiðni mennta- og barna­mála­ráð­herra og há­skóla-, iðn­að­ar- og ný­sköp­un­ar­ráð­herra kostaði sam­an­lagt um 13,7 millj­ón­ir króna auk virð­is­auka­skatts og hljóð­ar heild­ar­upp­hæð­in því upp á rúm­ar 17 millj­ón­ir. Tryggvi Hjalta­son, grein­andi hjá CCP, er eini höf­und­ur skýrsl­unn­ar. Í sam­tali við Heim­ild­ina seg­ist hann hafa unn­ið að skýrsl­unni sam­hliða öðr­um störf­um en vinn­an tók um eitt og hálft ár.
Hulduheildsali flytur inn hundruð tonna af kjöti
5
RannsóknSamkeppnisundanþága í Landbúnaði

Huldu­heild­sali flyt­ur inn hundruð tonna af kjöti

Ris­ar á ís­lensk­um kjöt­mark­aði, sem fengu í vor um­deild­ar und­an­þág­ur frá sam­keppn­is­lög­um til þess að verj­ast sam­keppni að ut­an, verða á þessu ári um­fangs­mest­ir í kjöt­inn­flutn­ingi og því keppi­naut­ar sjálfs sín. „Von­brigði,“ seg­ir formað­ur at­vinnu­vega­nefnd­ar. Um­fangs­mik­il heild­sala á hundruð­um tonna af inn­fluttu kjöti virð­ist fyrst og síð­ast leiktjald fyr­ir öfl­ug­asta hags­muna­afl­ið gegn inn­flutn­ingi land­bún­að­ar­vara.
„Ég var bara niðurlægð“
8
Viðtal

„Ég var bara nið­ur­lægð“

Séra Agnes M. Sig­urð­ar­dótt­ir, bisk­up Ís­lands, vill skila skömm­inni til kirkju­þings þar sem hún upp­lifði nið­ur­læg­ingu eft­ir að óvissa varð uppi um lög­mæti embætt­is­gjörða henn­ar. Hún seg­ir að kirkju­þing hafi átt að greiða úr mál­inu og eyða óvissu um stöðu henn­ar. Agnes tel­ur að karl­kyns bisk­up hefði aldrei þurft að þola slíka fram­komu af hálfu kirkju­þings en hún er fyrsta kon­an sem er kjör­in bisk­up.
Öskraði í sturtu því hún mátti ekki hitta dóttur sína
9
Viðtal

Öskr­aði í sturtu því hún mátti ekki hitta dótt­ur sína

Guð­laug Elísa­bet Ólafs­dótt­ir, kúa­bóndi og leik­kona, er orð­in goði. Nýi goð­inn hef­ur upp­lif­að gleði og sorg­ir og varð líf­ið hel­víti lík­ast þeg­ar hún fékk ekki að um­gang­ast barn­unga dótt­ur sína, sem frændi henn­ar og mað­ur hans höfðu ætt­leitt. Stúlk­an vildi fyr­ir nokkr­um ár­um hitta móð­ur sína og eru sam­skipt­in við feð­urna góð í dag en lær­dóm­ur­inn var mik­ill: „Ég hef trú á að það hjálpi mér við að um­gang­ast fólk í djúpu og miklu sorg­ar­ferli.“

Mest lesið í mánuðinum

Nýtt efni

Mest lesið undanfarið ár