Fréttir

Uppreisn á fréttamiðlinum 24.is

Blaðamenn birtu pistil án samráðs við ritstjóra þar sem þeir lýsa óstjórn og fjárhagsóreiðu á fréttamiðlinum. Laun janúarmánuðar hafa enn ekki verið greidd.

Freyr Rögnvaldsson

28. febrúar 2022 · 14:44

Birtist upphaflega í Stundinni fyrir 5 árum.

Blaðamenn fréttamiðilsins 24.is birtu í morgun pistil á vefsíðu miðilsins þar sem þeir lýsa lausatökum í stjórnun miðilsins og rekstri hans. Það birtist meðal annars í því að starfsmenn hafi fengið laun sín greidd seint og illa og samskiptaleysi við stjórnendur. Enn hafa blaðamenn ekki fengið greidd laun fyrir janúarmánuð. Því sé sá tími liðinn sem þeir segjast tilbúnir að gefa stjórnendum til að gera upp við starfsmenn.

Pistillinn ber yfirskriftina „Framtíð 24.is – Á meðan kötturinn sefur...skrifa mýsnar yfirlýsingu“. Er þar rakið að vefurinn hafi undanfarnar vikur ekki verið uppfærður reglulega og lítið afl hafi farið í umsjón hans. Eftirstandandi blaðamenn vilji því skýra stöðu mála. Undir pistilinn skrifa þeir Arnór Steinn Ívarsson og Tómas Valgeirsson, blaðmenn 24.is. Pistillinn var skrifaður án aðkomu stjórnenda 24.is. Hann hefur nú verið tekinn úr birtingu.

Í pistlinum kemur fram að á þeim fáu mánuðum sem liðnir eru frá því miðillinn fór í loftið, í október síðastliðnum, hafi fátt staðist af því sem stjórnendur lofuðu í upphafi. „Laun fóru að koma seint og sjaldnast í heilu lagi. Starfsmenn voru fullvissaðir um að fyrirtækið stæði á traustum fótum. Þeir fætur voru ekki svo traustir, eða svo virðist: starfsmenn fá ekki að vita.“

Í samtali við Stundina segir Arnór Steinn að fyrstu mánuðina hafi laun verið greidd. „Svo voru orðin teikn á lofti um að eitthvað væri að, laun komu seint og sjaldnast í heilu lagi. Nú er biðin eftir launum janúarmánaðar orðin ansi löng,“ segir Arnór Steinn og staðfestir að laun fyrir janúarmánuð hafi enn ekki verið greidd, nú síðasta dag febrúarmánaðar. Þá hafi samskiptum við yfirmenn rekstrar vefsins verið mjög ábótavant.

Spurður hvaða svör, ef einhver, blaðamenn hafi fengið þegar þeir hafi leitað svara við því hver staða mála hjá miðlinum væri og hvenær þeir mættu eiga von á að fá laun sín greidd svarar Arnór Steinn því að þau svör hafi verið fáfengleg. „Svörin sem við höfum fengið er að það eigi að bæta úr þessum málum og fram til þessa höfum við lagt traust okkar á það. Við höfum gefið þessu sénsa en nú er sá tími kominn að þeir sénsar séu uppurnir.“

Spurður hvaðan peningar inn í reksturinn hefðu komið eða átt að koma vildi Arnór Steinn ekki tjá sig um það. Spurður hvort hann lita svo á að hann væri þá hættur störfum hjá 24.is svaraði hann: „Já, ég lít svo á.“

Að sögn Arnórs Steins höfðu engin viðbrögð borist frá forsvarsmönnum 24.is eftir að pistillinn fór í loftið. Sem fyrr segir hefur pistillinn verið tekinn úr birtingu. Hvorki Kristjón Kormákur Guðjónsson, ritstjóri 24.is, né Guðbjarni Traustason framkvæmdastjóri svöruðu þegar Stundin reyndi að ná tali af þeim.

Pistil þeirra Arnórs Steins og Tómasar má lesa hér að neðan.

Framtíð 24.is – Á meðan kötturinn sefur…

…skrifa mýsnar yfirlýsingu.

Eins og glöggir fjölmiðlalesendur taka eflaust eftir hefur vefur 24 ekki verið uppfærður reglulega síðustu vikur og lítið afl farið í umsjón hans. Það sem eftirstandandi starfsmenn (á plani) vilja koma á framfæri, bæði til lesenda og til sinna nánustu, er útskýring á stöðu mála en ofar öllu beiðni um skilning.

Fréttamiðillinn 24.is fór af stað með látum og krafti síðastliðinn októbermánuð, en stefna miðilsins var að flytja fjölbreyttar og helst til jákvæðar fréttir af mannlífi landsins og öllu þar tilheyrandi. Þess má geta að fyrsta umfjöllun miðilsins var úttekt á hinu svonefnda Karlmennskuspjalli (hvíl í friði).

Samskiptaleysi og tjáningarmáttur seðla

Með tímanum fór að skjóta skökku við í rekstrinum. Starfsmönnum var lofað samningum og launum sem varð ekki af. Laun fóru að koma seint og sjaldnast í heilu lagi. Starfsmenn voru fullvissaðir um að fyrirtækið stæði á traustum fótum. Þeir fætur voru ekki svo traustir, eða svo virðist: starfsmenn fá ekki að vita.

Samskipti á milli þessara deilda, starfsmanna á plani og rekstrar, var mjög ábótavant og hefur valdið mikilli óvissu og fjárhagslegu óöryggi. Þetta hefur verið að ágerast síðan í lok nóvember. Þá strax voru teikn á lofti um að fjármagnið væri ekki eins tryggt og lofað var. Jólatíðin einkenndist af samskiptaleysi og áfram yfir á nýja árið.

Snemma í ferlinu fór af stað hörð undirbúningsvinna að hlaðvarpsstúdíói þar sem til stóð að bjóða upp á pakkaða og þrælskemmtilega dagskrá. Markmiðið var að strá nýju kryddi yfir sívaxandi hlaðvarpsmenningu Íslands og flytja formið á næsta þrep. Þetta gekk ekki eftir sökum villandi upplýsinga á meðal stjórnar sem varðar umfang fjármagns, áreiðanleika og öryggi þess. Skemmst er að segja frá því að Stúdíó 24 (þá að öllum líkindum undir nýju nafni) hefur kosið að starfa sjálfstætt og leitar núna annarra fjárstyrktaraðila.

Þetta stúdíó stendur meðal annars að Tölvuleikjaspjallinu og gaf nýverið út örseríuna Sandkorn: Stúdering á Svörtu söndum við miklar vinsældir, en þetta er aðeins brot af broti af þeim áætlunum sem eru í pípum aðstandenda.

Alls hafa ýmsir hverjir blaðamenn komið og farið inn um dyr höfuðstöðva 24, en sökum ofannefndra ástæðna varðandi óvissu tekjumódels og fjármagns, hafa leiðir skilist þar.

24.is fór af stað með hugmyndafræðina að vopni, en eins og glöggir átta sig einnig á, þá greiðir hugmyndafræðin ekki ein fyrir saltið í grautinn.

Starfsmenn á plani þakka fyrir allan lestur og stuðning.

Eigið góðan bolludag.

Kveðjur bestar,
Tommi Valgeirs og Arnór Grjót.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Viðtal

Ástleysið er sárt

Nánd er næring, nauðsynleg eins og matur. Tæpur helmingur fólks elst upp í óöruggum tengslum sem geta komið niður á tengslum og ástarsamböndum á fullorðinsárum, jafnvel ógnað heilsu, enda er „tengslamyndun ein af grunnforsendum farsældar“, að sögn klíníska sálfræðingsins Guðbrands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ástina í öllum sínum myndum.

Viðtal

Íslenskur læknir varpar nýju ljósi á lífshættulegan meðgöngusjúkdóm

Nítján ára gömul lá Silja Rut Ragnarsdóttir nær dauða en lífi á skurðarborði Landspítalans eftir alvarlegt tilfelli meðgöngueitrunar. Íslenskur vísindamaður í Bandaríkjunum, Jóhann Elí Guðjónsson húðlæknir, leiðir brautryðjandi rannsóknir sem varpa nýju ljósi á hvers vegna sjúkdómurinn kemur fram. Hann telur mögulegt að þróa lyf við sjúkdómnum sem bjargað gæti mannslífum.

MenningÞegar gervigreindin tekur yfir

Mærður höfundur hankaður á gervigreind

Nýstirni í skáldsagnaheiminum hefur orðið fyrir aflýsingu eftir að gervigreind greindist í margrómuðu verki hans. Sjálfur segist hann að gervigreind hafi ekki verið til þegar hann lauk fyrsta uppkasti.

Erlent

Netanjahú „lokar“ Vesturbakkanum eftir árás tveggja manna

Tveir Palestínumenn réðust á ísraelska hermenn. Netanjahú segir „stóra árás“ hafa verið stöðvaða. Ben-Gvir vill leysa upp palestínsk stjórnvöld. Kosningar á þriðjudag.

ErlentRússland Pútíns

Úkraínskur maður handtekinn í Þýskalandi grunaður um njósnir

Alríkissaksóknari segir manninn hafa aflað upplýsinga um framleiðslu brynvarinna ökutækja, skotfæra og sprengiefna, auk starfsfólks og hernaðarmannvirkja.

ViðskiptiEinkarekstur í heilbrigðiskerfinu

Katrín í Lýsi fjárfestir í einkareknum spítala

Litli spítalinn verður opnaður í húsnæði í eigu stofnanda Samherja.

Mest lesið

Mest lesið í vikunni

Aðsent

Hrafnhildur Kjerúlf Sigmarsdóttir

Ég, hóran

Fimmtíu og sjö karlmenn eru grunaðir um að hafa ekki komið ungri konu til aðstoðar þegar vinir þeirra nauðguðu henni í hópi. Hrafnhildur Sigmarsdóttir segir brandara um „hórur“ í ræktinni endurspegla sama tilkall til kvenna.

Úttekt

Íbúum boðnar „mútur“ fyrir að samþykkja gagnaver

Andstaða íbúa stöðvaði eða tafði að minnsta kosti 75 gagnaverkefni í Bandaríkjunum á fyrstu þremur mánuðum ársins. Í Pennsylvaníu reyna íbúar að stöðva gagnaver og háspennulínu.

Viðtal

„Margt sem ég hef séð situr í mér“

Þegar Halla Bergþóra Björnsdóttir varð fyrst kvenna til þess að sinna löggæslu á Húsavík fékk hún að heyra að konur ættu ekkert erindi í lögregluna. Hún lét það ekki á sig fá, varð lögreglustjóri og loks ríkislögreglustjóri. Starfið hefur breytt henni, enda hefur hún komið að erfiðum málum og fengið hótanir. Á sama tíma hefur hún öðlast skarpari sýn á lífið, sterkari löngun til að gera gagn og fundið fyrir þakklæti fyrir allt það góða.

Viðtal

Ástleysið er sárt

ErlentLýðræðisþróun

„Lygari“ og „trúður“: Eitt stærsta lýðræðisríki heims á krossgötum

Lula Brasilíuforseti og Flavio Bolsonaro, mótframbjóðandi hans, áttu í harkalegum kappræðum viku fyrir síðari umferð forsetakosninganna.

ViðskiptiFerðamannalandið Ísland

Lukkaðist loks að virkja Gullfoss

Eigendur að Gullfosskaffi hafa safnað digrum sjóðum. Þeir hófu innheimtu á bílastæði sínu á sama tíma og ríkisstjórnin kynnti nýjan náttúrupassa fyrir svæðið. Ríkið hefur lagt til meira en 170 milljónir króna að núvirði í stígagerð við Gullfoss.

Mest lesið í mánuðinum

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

ViðtalLífið á Grensás

Snýr aftur í hjúkrunarfræði eftir heilablæðingu

Viðbragðsaðilar héldu að Björn Ólafur Haraldsson væri útúrdópaður þegar hann lá á gólfinu með blæðingu í heila. Hann var 21 árs og í hjúkrunarfræðinámi þegar áfallið reið yfir og þurfti ítrekað að leiðrétta mistök ófaglærðs starfsfólks á heilbrigðisstofnunum. Nú stefnir hann á að klára námið og koma sterkari til baka.

Stjórnmál

Sjálfstæðismenn aftur á fund bandarískra íhaldsmanna ásamt Zachary

Forysta Sjálfstæðisflokksins og Birgir Þórarinsson, fyrrverandi þingmaður, funduðu með íhaldssömum hugveitum og mæltu fyrir fríverslunarsamningi.

Stjórnmál

Leggst gegn eigin stólakaupum: „Ég hef sjálf setið makindalega í þeim í átta ár“

Borgarstjóri Reykjavíkur, Hildur Björnsdóttir, leggst gegn stólakaupum fyrir borgarfulltrúa sem gert er ráð fyrir í viðauka við fjárfestingaáætlun borgarinnar. Það gæti þó verið þörf á nýjum skjá í sal borgarstjórnar.