Fyrri aukaspurning:

Hvaða þjóð gerði lágmyndina sem hér að ofan sést?

***

Aðalspurningar:

1.  Í hvaða landi er höfuðborgin Dublin?

2.  Hvaða heimsálfa er að meðaltali hæst yfir sjávarmáli?

3.  Mikil og stórflygsótt snjókoma í logni ber sérkennilegt heiti sem dregið er af útlimum dýrs. Hvaða heiti er það?

4.  Nóbelsverðlaunin í bókmenntum hafa verið veitt á haustin ár hvert frá 1901 — að undanskildum sjö árum hér og þar af góðum og gildum ástæðum. Hvaða ár féllu Nóbelsverðlaunin í greininni fyrst niður? (Og já, þið eigið að geta giskað á þetta!)

5.  Hvaða tvö stórveldi áttust helst við í hinu svonefnda kalda stríði?

6.  Bruce Lee var karl einn sem lést 1973, aðeins 32 ára gamall. Hann var kunnur fyrir ... hvað?

7.  Werner Gerlach hét karl nokkur sem var handtekinn í Reykjavík 10. maí 1940. Hver var hann?

8.  Hverjir eru hinir alþjóðlegu einkennisstafir íslenskra flugvéla?

9.  Hvað var eina landspendýrið sem bjó á Íslandi þegar menn settust hér fyrst að?

10.  Hverju söfnuðu Grimm-bræður?

***

Seinni aukaspurning:

Hver er konan hér að neðan?

***

Svör við aðalspurningum:

1.  Írland.

2.  Suðurskautslandið.

3.  Hundslappadrífa.

4.  1914 — þegar fyrri heimsstyrjöldin var skollin á.

5.  Sovétríkin og Bandaríkin.

6.  Karete og aðrar bardagaíþróttir.

7.  Ræðismaður Þjóðverja í Reykjavík.

8.  TF.

9.  Refurinn.

10.  Þjóðsögum og ævintýrum.

***

Svör við aukaspurningum:

Á efri myndinni er lágmynd gjörð af Assyríumönnum. Ekkert annað svar er rétt.

Á neðri myndinni er Camilla hertogaynja af Cornwall, en Camilla Barker-Bowles telst líka fullgilt svar.