Fyrri aukaspurning:

Fiskinn hér að ofan rak á fjöru í Hvalfjarðasveit í júlí 2014. Myndin birtist á vefsíðu Skessuhorns. Fiskurinn var stór eða um 50 kíló, þótt hann geti orðið töluvert stærri. Hvað nefnist fiskurinn.

***

Aðalspurningar:

1.  Við hvaða fljót stendur Rómaborg?

2.  Maður nokkur erlendur ber tvö skírnarnöfn: Joseph Robinette. Hvað er eftirnafn hans?

3.  Hvað hét kvikmyndaleikstjórinn sem stýrði myndum á borð við Clockwork Orange, 2001 og The Shining?

4.  Síðastnefnda myndin var gerð eftir skáldsögu eftir ...?

5.  Hvað fæst Guðrún Sóley Gestsdóttir við í lífinu um þessar mundir?

6.  Í hvaða landi er haldið upp á Bastilludaginn?

7.  Útvarpsstöðin K100 er rekið í nánum tengslum við tiltekið blað. Hvaða blað?

8.  Hann Jón er svo mikið samkvæmis———, að stundum vitjar hans óminnis———. Hvaða tvær dýrategundir eru þannig kenndar við samkvæmi og óminni? Hafa verður báðar rétt.

9.  Kornung íslensk söngkona hefur vakið athygli allra síðustu misseri fyrir söng af jazz-tagi, og kom meðal annars fram í vinsælum bandarískum spjallþætti með Jimmy Kimmel á dögunum. Hvað heitir hún?

10.  Hver skrifaði bókina Ofvitann?

***

Seinni aukaspurning:

Hvað heitir fjallstindurinn þarna vinstra megin þar sem hann gnæfir yfir frjósömum dal og firði á Íslandi?

***

Svör við aukaspurningum:

1.  Tiber.

2.  Biden.

3.  Kubrick.

4.  Stephen King.

5.  Einn af umsjónarmönnum Kastljóss, annast þar menningarmál.

6.  Frakklandi.

7.  Morgunblaðið.

8.  Samkvæmisljón, óminnishegri.

9.  Laufey Lin.

10.  Þórbergur Þórðarson.

***

Svör við aukaspurningum:

Fiskurinn nefnist guðlax.

Tindurinn er Skessuhorn.