Fyrri aukaspurning:

Hver er karlinn hér að ofan?

***

Aðalspurningar:

1.  „Sælir eru hógværir, því þeir munu erfa landið.“ Hver mælti svo?

2.  En hvernig er framhaldið á orðum sem viðkomndi sagði líka: „Sælir eru sorgbitnir því þeir munu ...“

3.  Þegar söngvarinn Valdimar er orðinn leiður á að horfa á klukkuna, þótt vísarnir færist varla úr stað, og líka að horfa á malbik sem storknar seint, og að mála strik og passa að það sé beint, og þegar hann vill forðast allt púl og vill gera sem minnst og reynir að halda þetta út ... hvað gerir Valdimar þá?

4.  Hver tók við sem þjóðhöfðingi Bretlands 10. júní 1837?

5.  Rúmri hálfri öld síðar var alræmdur morðingi hins vegar á ferð í höfuðborg Bretaveldis. Enginn veit hver hann var en hvaða nafn fékk hann í fjölmiðlum?

6.  Hvaða hverfi er á milli Haganna og Hringbrautar í Reykjavík?

7.  Hvaða fræga kanadíska poppstjarna kom til Íslands árið 2016 og hélt tvenna tónleika við heilmikla gleði gesta?

8.  Hvaða lið varð Evrópumeistari í fótbolta karla 2016 þrátt fyrir að langsterkasti maður liðsins þyrfti að fara meiddur af velli mjög snemma leiks?

9.  Út af hvaða nesi má finna Eldey?

10.  Bandaríkjaforsetar eru 45 talsins. Í fimm tilfellum hafa tveir forsetar borið saman eftirnafn. Þau tilfelli eru talin upp hér að aftan, ásamt einu nafni sem EKKI hefur verið borið af tveim forsetum. Hvaða nafn á sem sagt ekki heima innan um hin fimm að þessu leyti? — Bush, Adams, Harrison, Johnson, Roosevelt, Taylor.

***

Seinni aukaspurning:

Hér að neðan er lógóið hjá splunkunýju bandarísku fyrirtæki sem heldur utan um nokkur önnur aðeins eldri fyrirtæki. Hvað er stærsta og áhrifamesta fyrirtækið undir handarjaðri þessa nýja fyrirtækis?

***

Svör við aðalspurningum:

1.  Jesú frá Nasaret.

2.  „ ... huggaðir verða.“

3.  Hann stimplar sig út. 

4.  Viktoría drottning.

5.  Jack the Ripper.

6.  Melarnir.

7.  Justin Bieber.

8.  Portúgal.

9.  Reykjanesi.

10.  Taylor. En það munaði litlu því einn hét Taylor en annar Tyler.

***

Svör við aðalspurningum:

Karlinn á efri myndinni er Diego sálugi Maradona.

Lógóið á neðri myndinni er lógó Meta sem heldur meðal annars utan um Facebook.