Fyrri aukaspurning:

Hver er konan sem prýddi þessa frægu auglýsingamynd frá árinu 1976?

***

Aðalspurningar:

1.  Á þessum degi árið 1965 fæddist tónlistarmaður sem gaf út á sinni fyrstu hljómplötu lög eins og Fúsa hreindýr, Arabadrenginn og Búkollu. Hver er tónlistarmaðurinn?

2.  Annar tónlistarmaður sendi hins vegar núna í sumar frá sér lagið Bad Habits sem náði gríðarlegum vinsældum og nýtur jafnvel enn. Hver er þessi músíkant?

3.  Árið 1402 barst afar skæð sótt til landsins með skipi frá útlöndum. Sóttin drap þúsundir manna, en hvað var hún kölluð?

4.  En hvar barst hún að landi?

5.  Í hvaða borg er Louvre-safnið?

6.  Í annarri borg í Evrópu er hins vegar annað frægt safn, Guggenheim-safnið, í frægri byggingu sem opnuð var 1997. Hvaða borg er hér um að ræða?  

7.  Drykkjarvöruframleiðandi einn frá Austurríki framleiðir vinsælan orkudrykk með ensku nafni, en er líka þekkt fyrir að styrkja mjög myndarlega fjölda íþróttaliða í mörgum löndum, ekki síst í fótbolta og kappakstri. Liðin, sem fyrirtækið heldur úti, taka sér yfirleitt nafn fyrirtækisins. Hvað heitir drykkurinn — og fyrirtækið?

8.  Fangelsið að Litla-Hrauni er í útjaðri hvaða þéttbýlisstaðar?

9.  Tzatziki er ídýfa og/eða smáréttur sem búinn er til úr hvítlauk, agúrku, ólífuolíu, dilli og stundum sítrónusafa. En hér vantar reyndar aðalatriðið í tzatziki, sem er ...?

10.  Árið 2003 lét Ingibjörg Sólrún af starfi sem borgarstjóri Reykjavíkur. Næstu árin kom fólk og fór í embætti borgarstjóra. Hve margir einstaklingar gegndu borgmeistarastarfinu þangað til Jón Gnarr tók við 2010?

***

Seinni aukaspurning:

Árið 1986 var myndin hér að neðan tekin á blaðamannafundi. Af hvaða tilefni?

***

Svör við aðalspurningum:

1.  Björk.

2.  Ed Sheerean.

3.  Svarti dauði.

4.  Í Hvalfirði.

5.  Í París.

6.  Bilbao.  

7.  Red Bull.

8.  Eyrarbakka.

9.  Jógúrt.

10.  Sex — Þórólfur Árnason, Steinunn Valdís Óskarsdóttir, Vilhjálmur Þ. Vilhjálmsson, Dagur B. Eggertsson, Ólafur F. Magnússon, Hanna Birna Kristjánsdóttir.

***

Svör við aukaspurningum:

Á efri myndinni er Farrah Fawcett.

Neðri myndin var tekin á blaðamannafundi sænsku lögreglunnar vegna morðsins á Olov Palme. Lögreglumaðurinn sem veifar byssunum tveim hét Hans Holmér en óþarfi er að muna nafn hans. „Morðið á Palme“ þarf að koma fram.

***

Hér að neðan eru hlekkir á fyrri þrautir, athugið það!