Fyrri aukaspurning:
Hver er karlinn á myndinni hér að ofan? Hann var ungur að árum þegar myndin var tekin og hann var lítt kunnur opinberlega nema í sínum hópi. En það breyttist rækilega þegar hann var kominn á miðjan aldur.
***
Aðalspurningar:
1. Hver er fjórða fjölmennasta borg í Evrópu?
2. Karakorum hét borg sem stofnað var upp úr 1220 eftir Krist og óx úr grasi með ógnarhraða, enda varð hún höfuðborg í splunkunýju heimsveldi. Borgin var að vísu ekki höfuðborg heimsveldisins nema í nokkra áratugi en var þó býsna stöndug góða hríð. Nú hefur hún lengi verið lítilfjörleg og íbúatalan lág. En hverjir voru það sem reistu Karakorum og gerðu um skeið að heimsborg?
3. Haustið 1870 sagði leiðtogi Frakka af sér eftir að hafa beðið auðmýkjandi ósigur í stríði við Prússland og önnur þýsk ríki. Hvað nefndist þessi franski leiðtogi?
4. Milli hvaða tveggja þéttbýlisstaða við ströndina á Íslandi er lengst óbyggð strandlengja?
5. Hvað er minnsta ríki heimsins að flatarmáli?
6. Ungur enskur fótboltamaður að nafni Phil Foden vakti athygli í Íslandsheimsókn í fyrra, vegna sóttvarnarbrota, en annars vekur hann nú yfirleitt mesta athygli fyrir leikni sína með fótboltann. Með hvaða liði á Englandi leikur hinn ungi Foden?
7. Hvað hét kanslari Þýskalands síðustu sjö árin áður en Merkel tók við?
8. Hver lék Rachel Green í sjónvarpsþáttunum Friends?
9. En hver lék Carrie Bradshaw í þáttunum Sex in the City?
10. Dmitri, Ívan og Alexei eru frægir bræður í skáldsögu einni. Hvað er eftirnafn þeirra?
***
Seinni aukaspurning:
Hver er konan á myndinni hér að neðan?
***
Svör við aðalspurningum:
1. Sankti Pétursborg.
2. Mongólar.
3. Napóleon þriðji. Númerið verður að vera rétt.
4. Víkur í Mýrdal og Hafnar í Hornafirði. Það var að minnsta kosti það svar sem ég var að leita að. En mín snjalla systir Elísabet hefur bent mér á að lengra er efalaust eftir ströndinni milli Súðavíkur og Drangsness. Það er því rétt líka!
5. Vatíkanið.
6. Manchester City.
7. Schröder.
8. Jennifer Aniston.
9. Sarah Jessica Parker.
10. Karamazov.
***
Svör við aukaspurningum:
Á efri myndinni er Kristján Eldjárn síðar forseti Íslands.
Á neðri myndinni er Svanhildur Hólm, fjölmiðlakona, aðstoðarmaður ráðherra og nú síðast framkvæmdastjóri Viðskiptaráðs.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir