Karen Jenny Heiðarsdóttir, móðir Þórhildar Gyðu Arnarsdóttur, konu sem lagði fram kæru á hendur Kolbeini Sigþórssyni fyrrverandi landsliðsmanni í fótbolta, segir í samtali við Stundina að Guðni Bergsson, þáverandi formaður Knattspyrnusambands Íslands, hafi leitað eftir sáttum við hana og föður Þórhildar. Hún hafi furðað sig á því þar sem lögreglurannsókn var enn í gangi. „Það vakti furðu okkar að formaður KSÍ hafi rætt við okkur um möguleika á sáttum,“ segir Karen í samtali við Stundina.

Þetta sýnir að aðkoma KSÍ og formanni þess að sáttarferlinu var meiri en áður hefur komið fram.

Segir ekki óeðlilegt að hann hafi leitað sátta

Í samtali við Stundina segir Guðni að hann vilji almennt ekki tjá sig um málið en vildi þó taka fram að honum hafi ekki fundist aðkoma sín á þessum tímapunkti hafa verið óeðlileg. „Mér finnst ekki óeðlilegt að það hafi borið á góma í þessu samtali enda hafi það verið …