Fyrri aukaspurning:

Hvað heitir Bítlaplatan sem myndin hér að ofan prýðir albúmið á?

***

Aðalspurningar:

1.  Forsætisráðherrann í landi einu heitir Scott Morrison. Hvaða land er það?

2.  Í Þjóðleikhúsinu er nú verið að sýna leikritið Ástu um íslenska listakonu sem var áberandi upp úr miðri öldinni. Hvað hét hún fullu nafni?

3.  Hver leikur Ástu í leikritinu?

4.  Leikstjóri og höfundur leikgerðar er þrautreyndur leikhúsmaður, sem hefur áður búið til leikrit um Bubba Morthens og Ellý Vilhjálms. Hvað heitir leikhúsmaðurinn?

5.  Í hvaða landi er drykkurinn gin upprunninn?

6.  Hvaða flokkur var í þriðja sæti að heildaratkvæðamagni í kosningunum í september?

7.  Í eðlisfræðinni er talað um fjóra krafta sem haldi veröldinni saman. Þeir eru kallaðir — í stafrófsröð: Aðdráttaraflið, Rafsegulkrafturinn, Sterki krafturinn, Veiki krafturinn. Hver þessara krafta er VEIKASTUR?

8.  Land eitt heitir Éire á frummáli innbyggjaranna, þótt í daglegu tali sé nú yfirleitt annað nafn notað. Hvaða land er Éire?

9.  Hvaða íslenski rithöfundur sendi árið 2015 frá sér skáldsöguna Stóri skjálfti?

10.  Hverrar þjóðar var Genghis Khan?

***

Seinni aukaspurning:

Hver er granni þessa karls? Þeir hittast gjarnan á samliggjandi svölum sínum og dreypa jafnvel á konjakki.

***

Svör við aðalspurningum:

1.  Ástralíu.

2.  Ásta Sigurðardóttir.

3.  Birgitta Birgisdóttir.

4.  Ólafur Egill.

5.  Hollandi.

6.  VG.

7.  Aðdráttaraflið.

8.  Írland.

9.  Auður Jónsdóttir.

10.  Mongólskur.

***

Svör við aukaspurningum:

Efri myndin prýðir umslagið á plötunni Help.

Granni karlsins á neðri myndinni er Martin Beck, sænskur rannsóknarlögreglumaður í óteljandi bíómyndum sem heita einu nafni Beck. Þeir Beck og granni hans hittast að minnsta kosti einu sinni í hverri mynd, oftar en ekki úti á samliggjandi svölum sínum.