Mynd birt­ist af óinn­sigl­uðum atkvæðum sem stóðu í auðum sal á Hótel Borg­ar­nesi, þar sem taln­ing atkvæða fyrir Alþing­is­kosn­ing­arnar fór fram um helg­ina. 

Myndin voru teknar eftir að taln­ingu atkvæða var lokið, af konu sem birti þær á Instagram-reikn­ingi sínum en eyddi þeim síðar þaðan. Svo virð­ist sem konan sé ein í salnum þegar hún tók mynd­ina. Ekki náð­ist í kon­una við vinnslu frétt­ar­innar en starfs­maður Hótels Borg­ar­ness stað­festi að hún sé starfs­maður þar. Samkvæmt heim­ildum Vísis er konan tengda­dóttir eig­and­ans, en maki hennar er Jón Pét­urs­son, sonur Péturs Geirs­sonar hót­els­stjóra. Svo virð­ist sem allir starfs­menn hót­els­ins hafi haft ótak­mark­aðan aðgang að salnum alla nótt­ina. 

Ingvi Tryggva­son, yfir­maður kjör­stjórnar Norð­vest­ur­kjör­dæmis, seg­ist ekki vita hver konan er eða hvort hún hafi unnið að taln­ingu atkvæða. „Ég þekki ekki þetta nafn,“ segir hann.  Án þess að vita það fyrir víst, segir hann að hún hefði vel getað tekið mynd­ina eftir að aðrir …