Íbúar í nýlegum fjölbýlishúsum á Grandavegi 42 leita að upplýsingum um þjófagengi sem lét til skarar skríða í bílakjallara hússins. 

Grandavegur 42Þjófarnir fóru um kjallara fjölbýlis við Grandaveg 42 sem hér sést við sjávarsíðuna.

Mynd: Þingvangur

Gengið, sem telur tvo karlmenn og eina konu, sést á myndbandi athafna sig í makindum sínum. Fólkið braut rúður í bifreiðum og er meðal annars sakað um að hafa stolið Macbook Pro fartölvu, Louis Vuitton tösku og meiru frá fleiri en einum íbúa.

„Brotið var að sjálfsögðu kært til lögreglu og við höfum verið í daglegum samskiptum við hana. Ég bið ykkur um að hafa augun opin fyrir þessum einstaklingum og einnig þeim munum sem var stolið inná helstu sölusíðum,“ segir íbúi í blokkinni í Facebook-hópi Vesturbæjar þar sem myndbandinu er dreift.