Ragnar, þú ert í öðru sæti á tekju­list­anum. Hvernig blasir það við þér?

Ég veit ekki hvernig stendur á því. 

Veistu ekki hvernig stendur á því?

Nei, ég er ekki með neinar tekjur. 

Nei, það er reyndar rétt, þú ert ekki með neinar tekjur en þú ert með svaka­legar fjár­magnstekjur, ég kann varla við að taka þetta fram, þú ert með 1,6 millj­arða í fjár­magnstekjur, þannig að heild­ar­árstekur þínar eru rúm­lega 1,6 millj­arðar. 

Jájá. 

Hvernig finnst þér að vera í öðru sæti?

Mér er alveg sama, ég verð aldrei vit­laus af pen­ingum. Þetta er bara af því að ég veikt­ist svo mikið og ég seldi útgerð­ina. Ég fékk krabba­mein og er nú orð­inn 76 ára gam­all og hugs­aði með mér að þetta væri komið nóg. Ég bara seldi þetta allt saman, þetta hel­vítis drasl. 

Þetta hel­vítis drasl?

Nei, ég segi svona. Ég seldi bát­inn og menn­irnir fylgdu bara með honum. 

Ég skil þig. Var þetta orðið svo mikið vesen í lokin?

Nei, það er bara þegar maður er orð­inn svona full­orð­inn og hættur, ég var hættur á sjónum, sko. Strák­ur­inn minn var skip­stjóri á bátnum. Hann er þarna fyrir vestan. Þeir sem keyptu hann gera bát­inn enn þá út og menn­irnir eru á honum sem voru á honum. 

Það er nú gott. 

Þess vegna fékk ég þetta. Ég átti svo mikið í þessu, ég er búinn að gera út í 50 ár. Ég er búinn að gera út síðan 1975. 

Hvaða útgerð er þetta eig­in­lega?

Hún heitir Esjar ehf.

En hvað ætlar þú að gera við 1,6 millj­arða?

Ég geri bara ekk­ert við þetta. Þetta er bara þarna og pen­ingar gera mig aldrei vit­lausan. Aldrei nokkurn tím­ann. 

En ætl­aru ekki að kaupa þér neitt?

Ég þarf nú að borga þarna í fjár­magnstekju­skatt 358 millj­ónir. 

Það er svo­lítið mikið.

Það er ekk­ert mikið þegar þú hefur svona mikið út úr því. Þetta er búið að safn­ast saman hjá mér allan þennan tíma. Ég hef ekki farið í sum­ar­frí eða nokkurn skap­aðan hlut. 

„Ég hef ekki farið í sum­ar­frí eða nokkurn skap­aðan hlut“ 

Aldrei farið í sum­ar­frí?

Aldrei. Svo þegar ég er búinn að eign­ast alla þessa pen­inga núna þá kann ég ekk­ert að nota þá. Kann ekk­ert að lifa, kann ekk­ert að fara í sum­ar­frí og ekki neitt. Ég sit bara hérna í stólnum og er að tala við þig. 

En viltu ekki fara og kaupa þér eitt­hvað?

Nein­einei. Ég kaupi mér ekk­ert. 

Ekki neitt?! Ekki bíl eða hús eða neitt?

Ég hef alltaf átt bíl. Við höfum alltaf átt hús og bíl, við höfum alltaf átt það. Sér­stak­lega þegar maður bjó úti á landi svona lengi, þá átti maður alltaf hús og við eigum það enn þá í dag. 

Hvar voruð þið?

Á Rifi á Hell­issandi. Þið voruð að tala við hann Tona um dag­inn, hann Tona tólf pró­sent. Þið voruð að tala við hann um dag­inn. 

Tona tólf pró­sent?

Nei, ég kalla hann það. Hann var hæstur á Snæ­fells­nes­inu. 

Jájájájá hann. Já, er hann kall­aður Toni 12 pró­sent?

Nei, ég segi svona, hann átti 12 pró­sent í útgerð­inni með mér. Þess vegna fékk hann svona mikið, 200 og eitt­hvað. Svo er hann nátt­úr­lega með svaka­leg laun líka. 

Já, það er ágætt að gefa þessu fólki ein­hver laun. 

Já, hann hefur alltaf verið með góð laun. Og alltaf borgað mikið af sköttum. Ég gerði það líka á sínum tíma. 

Jæja, þannig að þú veist ekk­ert hvað þú ætlar að gera við alla þessa pen­inga? Ég mæli með því að þú kaupir þér eitt­hvað fal­legt. 

Ég get alla­vega sofið fyrir þeim. 

Það er nú gott. Ég vona að maður sofi þegar maður á 1,6 millj­arða. 

Jájá, þetta er bara tala fyrir mér, ekk­ert meira. Mér finnst bara ágætt að vera svona þenkj­andi. Sumir verða vit­lausir ef þeir eign­ast pen­ing og fara bara illa út úr því. 

Þú ætlar ekki að gera það.

Nei, það eru alveg hreinar línur, vina mín.