Á meðan 2.500 Íslend­ingar eru í sótt­kví og eitt smit á leik­skóla getur sent börn og for­eldra í sótt­kví og sýna­töku, er löng röð fólks í Ármúla og Suð­ur­lands­braut í bið eftir sýna­tökum. Þar eru meðal ann­ars hópar starfs­manna og barna úr sömu leik­skólum. Ljóst er að hóp­ur­inn skiptir hund­ruðum og er stór hluti börn.

Flestir bera sig vel í röð­inni og nýta tím­ann í sím­ann. Í röð­inni heyr­ast þó börn gráta, bæði af stressi en einnig eftir skimun­ina.

Þórólfur Guðnason sótt­varna­læknir hefur lagt til að „áfram verði beitt smitrakn­ingu, ein­angrun á smit­aða og sótt­kví hjá útsettum“ næstu mán­uð­ina „að minnsta kosti“. Þá geti „stærri við­burðir verið leyfðir gegn því að gestir sýni fram á nei­kvætt PCR/antigen hrað­próf sem ekki mætti vera eldra en 24-48 klukku­stunda gam­alt“. 

Alls eru 26 manns á sjúkra­húsi vegna Covid-19 og þar af sjö á gjör­gæslu. Að auki eru 1.206 manns í ein­angrun.

Biðröð í ÁrmúlaSamkvæmt til­lögum Þórólfs Guðna­sonar sótt­varna­læknis ber að halda eins metra regl­unni.

Mynd: Freyr Rögn­valds­son