Í heil­síðu­aug­lýs­ingu í Morg­un­blað­inu, sem aðstand­endur mót­mæl­anna „Við mót­mælum bólu­setn­ingu barna og ung­menna“ keyptu, segir að „Covid bólu­efnin eru á rann­sókn­ar­stigi til árs­ins 2023“ og að „auka­verk­anir vegna þeirra eru fleiri og alvar­legri en okkur var sagt í upp­hafi“. Þar segir enn fremur að „lyfja­til­raunir á börnum eru bann­aðar“.

Á bak við aug­lýs­ing­una standa þau Hrólfur Hreið­ars­son, Martha Ernsts­dóttir, Kristín Johansen, Þórdís B. Sig­ur­þórs­dóttir og Þröstur Jónsson en þau ásamt öðrum standa að mót­mæl­unum. 

Aðspurð um það hvað hóp­ur­inn greiddi fyrir aug­lýs­ing­una spyr Þórdís blaða­mann „af hverju hefur þú svona miklar áhyggjur af pen­ing­unum? Er blaða­maður í alvöru að hringja og spyrja hvað þetta kostar? Viltu leggja í púkkið? Er það þess vegna sem þú ert að hringja?“

Samkvæmt verð­skrá Morg­un­blaðs­ins kostar slík aug­lýs­ing rúm­lega 600 þús­und krónur. 

Fjölmiðlar „ekki með okkur í liði“

Á umræðu­vett­vangi mót­mæl­anna á Facebook skrif­aði Þórdís færslu þar sem hún segir fjöl­miðla …