Katrín Jak­obs­dóttir for­sæt­is­ráð­herra segir að fram­ganga Samherja sem afhjúpuð var í Stund­inni og Kjarn­anum fyrir helgi vera alger­lega óboð­lega. Þetta sagði hún á Alþingi í morgun, þar sem Logi Ein­ars­son, for­maður Sam­fylk­ingar, spurði í óund­ir­búnum fyr­ir­spurnum út í afstöðu hennar gagn­vart fram­göngu útgerð­ar­fé­lags­ins.

„Ég held að við hæst­virtur þing­maður séum algjör­lega sam­mála um að þessi fram­ganga er auð­vitað alger­lega óboð­leg, óeðli­leg og á ekki að líð­ast í lýð­ræð­is­sam­fé­lagi. Þannig er það,“ sagði hún og bætti við:

„Við þurfum að átta okkur á því að aðilar sem eru í for­ystu fyrir jafn stórt fyr­ir­tæki og þarna er um að ræða bera ábyrgð gagn­vart sam­fé­lagi sínu og þetta er ekki að bera ábyrgð gagn­vart sam­fé­lag­inu. Svona gera menn ein­fald­lega ekki.“

Skæruliðar Samherja

Í for­síðu­frétt Stund­ar­innar frá því á föstu­dag var hul­unni svipt af starfs­háttum starfs­manna Samherja og hvernig árásir á blaða­menn hafa verið skipu­lagðar af hópi lyk­il­starfs­manna útgerð­ar­innar. 

„Skæru­liða­deild­ina“ mynda þau Þor­björn Þórð­ar­son al­manna­teng­ill, Arna Bryn­dís McClure Bald­vins­dótt­ir lög­mað­ur og Páll Stein­gríms­son skip­stjóri. Sá síð­ast­nefndi hef­ur lát­ið birta í sínu nafni fjölda greina sem Þor­björn og Arna hafa ým­ist skrif­að eða rit­stýrt. 

Eins og fram kom í umfjöllun bæði Stund­ar­innar og Kjarnans eru þau öll íbeinu sam­bandi við Þor­stein Má Bald­vins­son, for­stjóra Sam­herja, Björgólf Jó­hanns­son, sem tíma­bund­ið var for­stjóri út­gerð­ar­inn­ar, og Jón Ótt­ar Ólafs­son, rann­sak­anda fyr­ir­tæk­is­ins.

Í sam­skiptum á milli Örnu og Páls var til að mynda ítrekað talað um að stinga og sparka í upp­ljóstr­ar­ann í Namib­íu­mál­inu svo­kall­aða og blaða­menn­ina sem afhjúp­uðu það.

„Ég vil stinga, snúa og strá salti í sárið,“ sagði Arna til að mynda um upp­ljóstr­ar­ann.