Hjer er hlekkur á þraut gærdagsins.

***

Fyrri aukaspurning:

Kona sem nú er orðin virt og verðlaunuð kvikmyndastjarna var alllengi að ná athygli fólks og lék fjölda smáhlutverka í fremur smávægilegum verkum lengi framan af ferli sínum. Árið 2007 lék hún til dæmis lítið hlutverk í bresku grín-löggumyndinni Hot Fuzz. Hvað heitir þessi kvikmyndastjarna, en hana má sjá á myndinni hér að ofan?

***

Aðalspurningar:

1.  Hvers son er Vladimir Pútin?

2.  Gegn hverju berjast Stígamót?

3.  Eftir að íslenska ríkið féllst loks á að endurskoða Guðmundar- og Geirfinnsmál var ákveðið öllum sakborningum (eða erfingjum þeirra) bætur, nema einum. Hver var það?

4.  Þann 30. september 1966 flutti Vilhjálmur Þ. Gíslason erindi í sjónvarpið. Hvað var í frásögur færandi við þetta erindi?

5.  Daginn eftir birtist frétt í Morgunblaðinu um að út væri komin ný bók eftir Guðberg Bergsson, sannkölluð metsölubók. Hvað nefndist sú bók fullu nafni?

6.  Hvað eiga Amma Mús og Mary Poppins sameiginlegt?

7.  Syðsti oddi Grænlands heitir á grænlensku Uummannarsuaq. Hvað er hann kallaður á íslensku?

8.  Margaretha Geertruida Zelle fæddist í Hollandi árið 1876. Hún andaðist aðeins 41s árs árið 1917 en var þá kunn undir öðru nafni. Hvaða nafn var það?

9.  Hver leikstýrði kvikmyndunum Hross í oss og Kona fer í stríð?

10.  Hún er talin hafa verið ein áhrifamesta konan sem búið hefur í Hvíta húsinu í Washington, þar sem hún hélt til í tólf ár, en þó var hún ekki forseti. Hvað hét hún? 

***

Seinni aukaspurning snýst, eins og sú fyrri, um leiklist. Á myndinni hér að neðan sést atriði úr sýningu á heimsfrægu gömlu leikriti sem sett var upp í Georgíu árið 2016. Ekki fylgir sögunni hvað leikarinn heitir en hann er einn af virtustu karlleikurum af eldri kynslóðinni í Georgíu. En í hvaða leikriti skyldi hann vera að leika þetta dramatíska atriði?

***

Svör við aðalspurningum:

1.  Vladimirsson. Upp á rússnesku heitir hann fullu nafni Vladimir Vladimirovitsj Pútin.

2.  Kynferðisofbeldi.

3.  Erla Bolladóttir.

4.  Þetta var fyrsta erindið sem flutt var í íslensku sjónvarpi. Fyrsta útsending þess var þann dag.

5.  Tómas Jónsson metsölubók. „Metsölubók“ var partur af titli hennar.

6.  Að hafa flogið eða altént feykst til á regnhlífum.

7.  Hvarf.

8.  Mata Hari.

9.  Benedikt Erlingsson.

10.  Eleanor Roosevelt.

***

Svör við aukaspurningum:

Filmstjarnan á efri myndinni er Olivia Colman.

Senan á neðri myndinni er vitanlega úr Lé konungi eftir Shakespeare. Gamall kall að æða um á eyðilegum slóðum í óveðri og örvæntingu — Lér er að minnsta kosti það fyrsta sem fólk ætti að giska á.

***

Hlekkur hjer á þraut gærdagsins.