Hjaðn­inga­víg fyrir botni Mið­jarð­ar­hafs, sem virt­ust brjót­ast út skyndi­lega eftir margra ára hlé, hafa komið heims­byggð­inni í opna skjöldu. Viðbrögð almenn­ings á Vest­ur­löndum við blóð­bað­inu eru í þetta sinn ekki í sam­ræmi við óskil­yrtan stuðn­ing margra þjóð­ar­leið­toga við Ísrael. Aðgerð­ar­sinnar, sem styðja mál­stað Palest­ínu­manna, telja að þátta­skil séu að eiga sér stað í deil­unni og heims­byggðin sé í auknum mæli á þeirra bandi.

Átökin nú eru þau verstu á svæð­inu frá því 2014 þegar meira en 2.100 Palest­ínu­menn fór­ust í 50 daga löngu sprengjuregni, lang­flestir almennir borg­arar. Upptök þess­arar nýj­ustu lotu má meðal ann­ars rekja til atviks sem átti sér stað tæpum mán­uði áður en hún hófst.

Benjamin Net­anyahu, for­sæt­is­ráð­herra Ísraels, sem hefur nýleg staðið af sér enn einar erf­iðar stjórn­ar­mynd­un­ar­við­ræður á marg­klofnu þingi, ákvað að ávarpa stuðn­ings­menn sína við Grát­múr­inn sem er heil­agur Gyðingum. Þeir voru þar komnir saman að kvöldi 13. apríl til að minn­ast fall­inna ísra­el­skra her­manna …