Samtök blaða­manna í Namibíu for­dæma árásir og áreitni útgerð­ar­fyr­ir­tæk­is­ins Samherja í garð íslenskra blaða­manna sem fjallað hefur verið um. Samtökin lýsa yfir stuðn­ingi við íslenska blaða­menn og hvetja útgef­endur og stjórn­völd til að tryggja að þeir geti eftir sem áður unnið að því að varpa ljósi á spill­ingu, í þágu almenn­ings.

Þetta segir í til­kynn­ingu sem sam­tökin NAMPU hafa sent frá sér í dag, á alþjóða­degi fjöl­miðla­frelsis. NAMPU lýsa áhyggjum sínum af ýmsum atvikum sem upp hafa komið á Íslandi og benda á að starfs­um­hverfi blaða­manna hér á landi verði æ óör­ugg­ara. Samtökin hafi fengið upp­lýs­ingar um að síðan að Kveikur, Stundin, Al Jazeera og Wikileaks flettu hul­unni af mútu­greiðslum og óeðli­legum við­skipta­háttum Samherja í Namibíu í nóv­em­ber 2019 hafi íslenskir fjöl­miðla­menn sem unnið hafa að umfjöllun um málið mátt sæta áreiti og ógn­unum.