Leikskólastarfsmaður á Jörfa lenti á spítala með súrefnisgjöf: „Af því einhver ákvað að brjóta sóttkví“

Lilja Guð­munds­dóttir, starfs­maður á leik­skól­anum Jörfa, þurfti að leggj­ast inn á sjúkra­hús fyrir helgi vegna mik­illa veik­inda af völdum Covid-19. Hún var með mik­inn hita og þurfti að fá vökva í æð og súr­efn­is­gjöf. Lilja er nú komin heim og er fegn­ust því að fjöl­skyldan hennar skyldi ekki smitas.

Smit sem tengj­ast Jörfa eru orðin 107 tals­ins Þar af eru þrjá­tíu af um hund­rað börnum smituð og 23 af 33 stars­mönnum eftir því sem RÚV greindi frá. Fyrstu smitin greindust 16. apríl síð­ast­liðin. Eru smitin á leik­skól­anum rakin til ein­stak­lings em ekki virti sótt­kví við kom­una til lands­ins.

Fékk lungnabólgu vegna vírussins 

Lilja fann fyrst fyrir ein­kennum 16. apríl en fékk stað­fest­ingu á að hún væri með veiruna 17. apríl eftir því sem á leið hrak­aði henni og í síð­ustu viku var hún með háan hita í nokkra daga. „Það end­aði á því að ég var beðin um að koma inn á spít­ala, ég var komin með 40 stiga hita á föstu­dags­morg­un­inn. Þá kom í ljós að ég var komin með lungna­bólgu vegna vírus­ins,“ segir Lilja. Hún ber mikið lof á heil­brigð­is­starfs­fólk sem hún segir að hafi fylgst mjög vel með sér. „Þetta var rosa­lega góð þjón­usta. Það var hringt í mig á hverjum degi til að athuga hvernig ég hefði það.“

Lilja var sem fyrr segir lögð inn á Land­spít­al­ann mikið veik síð­ast­lið­inn föstu­dag. „Ég þurfti að fá vökva í æð, víruslyf og stera. Það var fylgst mjög vel með súr­efn­is­mett­un­inni í blóð­inu og þegar hún var orðin lág þurfti ég að fá súr­efn­is­gjöf.“ Gefa þurfti henni súr­efni allt þar til á sunnu­dag en hún fékk að fara heim af spít­al­anum í gær, mánu­dag.

Lilja segir að hún sé á bata­vegi þótt hún sé enn tals­vert veik. „Ég er ekki með neinn hita í dag og öll að koma til en ég er ennþá mjög slöpp. Ég er ekki með neitt þol en það kemur bara með tím­anum. Ég er að gera önd­unaræf­ingar og svona núna.“

Óþolandi að fólk brjóti sóttkví

Spurð hvort hún hafi haft fregnir af því hvernig börnum á leik­skól­anum Jörfa líði, sem og sam­starfs­fólki hennar, segir Lilja að hún hafi ekki heyrt af börn­unum. „Ég veit að ég hef verið með þeim veik­ari af starfs­mönn­unum en það eru fleiri sem hafa verið mjög slappir.“

Í við­tali við Stundina í síð­ustu viku fór Lilja hörðum orðum um þá sem gagn­rýnt hafa sótt­varn­ar­að­gerðir og sömu­leiðis að ekki hafi verið tekin harð­ari stefna varð­andi þær aðgerðir á landa­mær­unum. Hún segir stöð­una með öllu óþol­andi. „Ég er ung og hraust, ekki með und­ir­liggj­andi sjúk­dóma, reyki ekki eða neitt en samt enda ég inni á spít­ala í þrjár nætur af því ein­hver ákvað að brjóta sótt­kví. Þetta er alveg ömur­legt.“

Lilja býr heima hjá fjöl­skyldu sinni en eng­inn af hennar fólki smit­að­ist af Covid-19. Hún segir að það sé mikil lukka. „Ég er rosa­lega ánægð með það, sér­stak­lega að pabbi varð ekki veikur því hann er með astma. Ég tók þetta vel fyrir fjöl­skyld­una, ég tók að mér að fá Covid fyrir alla fjöl­skyld­una.“