***
Fyrri aukaspurning:
Á hvaða yfirgefna stað býr refurinn sem sést á myndinni hér að ofan?
***
Aðalspurningar:
1. Hvað þýðir kvenmannsnafnið Rán?
2. Vostok heitir stöðuvatn eitt á afskekktum stað. Það er 17. stærsta stöðuvatn í heimi, 12.500 ferkílómetrar eða eins og vel rúmlega tíundi hluti Íslands. Það er hins vegar mjög djúpt, 436 metrar að meðaltali og er því 6. vatnsmesta stöðuvatn í heimi. Um líf í því er eiginlega ekkert vitað. Hvar er stöðuvatnið Vostok?
3. Í hvaða leikriti heyrast þessi orð: „Hér mætir Mikkel, sjá! með mjóa kló á tá, og mjúkan pels og merkissvip, sem mektarbokkar fá.“
4. Tónlistarmaður kom eins og stormsveipur inn í íslenskt tónlistarlíf árið 2011 með laginu Set mig í gang, gaf svo út vinsæla plötu 2015 en ferillinn hefur svo verið ögn brokkgengur, og tónlistarmaðurinn horfið öðru hvoru úr sviðsljósinu. Hvað heitir þessi tónlistarmaður?
5. Í áratugi náðu yfirleitt alltaf bara fjórir flokkar kjöri á Alþingi Íslendinga. Í kosningum 1953 brá þó svo við að nýr flokkur herstöðvarandstæðinga náði tveimur mönnum á þing. Hvað nefndist hann?
6. Næst gerðist það í kosningum 1971 að annar „fimmti flokkur“ náði inn þingmönnum. Flokkurinn hét Samtök frjálslyndra og vinstri manna, en hvað hét formaður hans og drifkraftur?
7. Hvað hét frægasta bók Bram Stokers?
8. Hvað hét konan sem flutti opinberan fyrirlestur fyrst kvenna á Íslandi — og varð síðan kunn kvenréttindakona?
9. Hvað heitir stærsta eyjan í Miðjarðarhafinu?
10. En hvaða eyja í því hafi er fjölmennust?
***
Seinni aukaspurning:
„Dansstúlkan“ er styttan hér að neðan kölluð. Hún er rúmir 10 sentimetrar á hæð og var mótuð í brons fyrir 4.500 árum. Dansstúlkan er frægasta styttan sem fundist hefur af tilteknu menningarsvæði. Hvaða menningarsvæði er það? Svarið verður að þessu sinni að vera þokkalega nákvæmt.
***
Svör við aðalspurningum:
1. Alda.
2. Á Suðurskautslandinu, undir íshellunni.
3. Dýrin í Hálsaskógi.
4. Gísli Pálmi.
5. Þjóðvarnarflokkurinn.
6. Hannibal Valdimarsson.
7. Dracula.
8. Bríet Bjarnhéðinsdóttir.
9. Sikiley.
10. Líka Sikiley.
***
Svör við aukaspurningum:
Efri myndin er tekin í Térnóbyl.
Styttan á neðri myndinni tilheyrði Indusdals-menningunni. Því miður dugar ekki að segja Indland.
***
Athugasemdir