Fréttir

Høgni um þrýstinginn innan úr Sjálfstæðisflokknum: „Ég segi bara follow the money“

Fyrr­ver­andi sjáv­ar­út­vegs­ráð­herra Færeyja, Høgni Hoydal, segir að það sé óvenju­legt að póli­tískur þrýst­ingur komi frá íslenskum ráð­herrum. Þetta gerð­ist hins vegar í aðdrag­anda þess að sett voru lög sem tak­marka erlent eign­ar­hald í fær­eyskum sjáv­ar­út­vegi. Kristján Þór Júl­í­us­son sjáv­ar­út­vegs­ráð­herra hefur ekki svarað því hvort hann ræddi við Høgna um málið en útgerð­ar­fé­lagið Samherji, sem Kristján Þór hefur margs konar tengsl við, er stór hags­mun­að­ili í fær­eyskum sjáv­ar­út­vegi.

<span>Høgni um þrýstinginn innan úr Sjálfstæðisflokknum:</span> „Ég segi bara follow the money“
Bendir á ótil­greindan ráð­herra Högni Hoydal bendir á ótil­greindan ráð­herra í rík­is­stjórn Íslands sem hann segir að hafi reynt að setja þrýst­ing á stjórn­völd í Færeyjum út af laga­setn­ingu um erlent eign­ar­hald í fær­eyskum sjáv­ar­út­vegi. Ekki var um að ræða for­sæt­is­ráð­herra, segir Högni, og Þor­gerður Katrín Gunn­ars­dóttir ræddi þetta mál ekki við hann. Mögulegt er því að ráð­herr­ann sé Kristján Þór Júl­í­us­son.
Birtist upphaflega í Stundinni fyrir 6 árum.

Høgni Hoydal, fyrr­ver­andi sjáv­ar­út­vegs­ráð­herra Færeyja, seg­ist ekki vilja gefa upp nöfn þeirra íslensku stjórn­mála­manna sem settu þrýst­ing á fær­eysk yfir­völd vegna breyt­inga á lögum um útgerð­ar­fyr­ir­tæki í Færeyjum árið 2017. Með laga­setn­ing­unni var erlendum aðilum, meðal ann­ars íslenskum, meinað að eiga hluta­bréf í fær­eyskum útgerð­ar­fé­lögum. Sam­bæri­leg lög eru í gildi á Íslandi. „Ég vil helst ekki segja meira. Ég var í miklum sam­skiptum við ráð­herra og þing­menn á Íslandi á þessum tíma, þó ekki for­sæt­is­ráð­herra,“ segir Høgni í sam­tali við Stundina.

Þrá­spurður um málið segir Høgni að hann muni ekki gefa upp nein nöfn en bendir blaða­manni á að elta slóð pen­ing­anna: „Ég vil ekki segja þér hvaða stjórn­mála­menn þetta voru en ég segi bara follow the money,“ segir Høgni glettn­is­lega. 

Svarar ekkiKristján Þór Jul­í­us­son, sjáv­ar­út­vegs­ráð­herra Íslands, svarar ekki hvot hann ræddi við Høgna Hoydal um breyt­ing­arnar á lög­gjöf­inni.
Mynd: Davíð Þór
…
Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Höfundur
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Nýtt efni

Mest lesið undanfarið ár