Níger­íski hæl­is­leit­and­inn Uhunoma Osa­yomore hefur höfðað mál á hendur Áslaugu Örnu Sig­ur­björns­dóttur dóms­mála­ráð­herra fyrir hönd íslenska rík­is­ins til að fá úrskurð kæru­nefndar útlend­inga­mála ógiltan. Mál þess efnis var þing­fest í Hér­aðs­dómi Reykja­víkur í morgun. Í mál­inu er þess kraf­ist að nýlegur úrskurður kæru­nefnd­ar­innar, þar sem ákvörðun Útlend­inga­stofn­unar um að synja Unhunoma um alþjóð­lega vernd hér á landi og dval­ar­leyfi af mann­úð­ar­á­stæðum, verði ógiltur.

Í stefnu Ununoma er byggt á því að hann hafa á engu stigi fengið máls­með­ferð hjá íslenskum stjórn­völdum sem fórn­ar­lamb mansals. Það hafi ekki verið gert þrátt fyrir að upp­haf­leg frá­sögn hans hjá Útlend­inga­stofnun hafi gefið sterk­lega til kynna að svo væri. Þá hefur Uhunoma sótt við­tals­með­ferð hjá Stíga­mótum og lagt fram gögn þar um til kæru­nefndar. Í þeim gögnum kemur fram að það sé skoðun fag­að­ila að frá­sögn hans og upp­lifun sam­rým­ist þeirri reynslu sem mansals­fórn­ar­lömb hafa lýst hjá Stíga­mótum.

„Þetta mál er eitt margra síð­ustu miss­eri þar sem fórn­ar­lömbum mansals og kyn­ferð­is­of­beldis er synjað um vernd hér á landi. Það er ákaf­lega sorg­leg þróun og ekki í takt við þær áherslur stjórn­valda á mann­rétt­indi og vernd þeirra sem hafa orðið fyrir ofbeldi af þessu tagi,“ segir Magnús D. Norðdahl lög­maður Uhunoma.

Gagnrýna kærunefnd harðlega

Í stefnu Uhonoma er gagn­rýnt harð­lega hvernig kæru­nefnd útlend­inga­mála dragi úr trú­verð­ug­leika hans. Hann sé þannig lát­inn gjalda þess að hafa á fyrri stigum hjá Útlend­inga­stofnun ein­ungis greint frá sumum til­vikum þegar hann var seldur man­sali en ekki öllum. „Það er alþekkt og mjög skilj­an­legt að mansals­fórn­ar­lömb eiga erfitt með að greina frá öllum áföllum sínum og því er mælst til þess að fag­að­ilar stýri við­tölum við svo við­kvæma hópa. Sú var ekki raunin, hvorki hjá Útlend­inga­stofnun né hjá kæru­nefnd útlend­inga­mála,“ segir Magnús.

Í stefn­unni segir að enn fremur að mat íslenskra stjórn­valda á aðstæðum í Nígeríu fyrir þolendur mansals og kyn­ferð­is­legs ofbeldis sé rangt og ófor­svar­an­legt. Þá sé Uhunoma alls ekki öruggur komi til end­ur­send­ingar hans til Nígeríu.

Þá segir að kæru­nefnd dragi túr­verð­ug­leika Uhunoma í efa á grund­velli þess að hann hafi tekið upp vest­rænt gælu­nafn við kom­una til Evrópu og að hann hafi opnað Facebook reikn­ing undir því nafni. Bent er á að slík hegðun sé mjög algeng hjá fólki í sömu stöðu. „Það er eins og kæru­nefnd útlend­inga­mála setji sig í stell­ingar rann­sókn­ar­lög­reglu og reyni eftir fremsta megni að véfengja trú­verð­ug­leika Uhunoma Osa­yomore að því er virð­ist í þeim til­gangi einum að styðja þá fyr­ir­fram teknu ákvörðun að synja honum um vernd,“ segir Magnús.