„Við óskum eftir því að vera við­ur­kennd af sam­fé­lag­inu sem við sjálf,“ skrifar Guð­mundur Ingi Guð­brands­son, umhverf­is­ráð­herra og vara­for­maður Vinstri grænna, í bréfi sínu til Frans páfa. Tilefni bréfs­ins er yfir­lýs­ing frá Vatík­an­inu, sem Frans páfi und­ir­rit­aði, að kaþ­ólskir prestar gætu aldrei stað­fest hjóna­bönd fólks af sama kyni.

„Ég hef skrifað Francis páfa bréf og skorað á hann að draga til baka umdeilda ákvörðun um að banna blessun sam­banda hjá sam­kynja pörum. Ég hvet hann til þess að taka af skarið gagn­vart íhalds­ömum öflum í kaþ­ólsku kirkj­unni og verja sjálf­sögð mann­rétt­indi hinsegin fólks,“ segir Guð­mundur Ingi í færslu um bréfið á Facebook-síðu sinni. 

Í bréf­inu vísar Guð­mundur Ingi til áhrifa­máttar Frans páfa, ábyrgðar hans og þess að kyn­hneigð sé ekki til­fallandi ákvörðun heldur eðl­is­lægur hluti sums fólks. „Finndu kjarkinn í gegnum bæn­irnar og stattu með okkur,“ segir Guð­mundur Ingi meðal ann­ars.

Bréfið til páfa„Þetta við­horf stríðir gegn allri heil­brigðri skyn­semi,“ segir í bréfi Guð­mundar Inga til páfa.

Mynd: Facebook / Guð­mundur Ingi Guð­brands­son

Á Facebook-síðu sinni hvetur Guð­mundir Ingi aðra til að láta rödd sína heyr­ast. „Þetta er í annað skipti sem ég sendi Francis páfa bréf. Núver­andi páfi hefur alltaf slegið mig sem góður og hjarta­hlýr maður og hann þarf hvatn­ingu okkar og stuðn­ing til góðra verka. Gleymum því aldrei að rödd okkar allra skiptir máli. Gefumst aldrei upp fyrir for­dómum og þekk­ing­ar­leysi.“