Ég heiti Sakaris Emil Joensen og er tón­list­ar­fram­leið­andi frá Færeyjum. Ég vinn í stúd­íói úti á Granda. Ég bjó lengi í Færeyjum en þar var ég fastur, ekk­ert hélt áfram. Ég vissi að Ísland væri mjög góður staður fyrir tón­list, meiri metn­aður. Ég flutti hingað og það er eins og í Færeyjum, bara stærra, sem er mjög fínt fyrir mig. Mér líður mjög vel í Reykja­vík. Ég er vanur því að allt sé grátt, og allt sé lítið og vel þekkt. Fyrir mér er það mjög líkt Færeyjum. Ísland er eins og Færeyjar, bara stærra. Það er full­komið.

Ég hef fram­leitt alls kyns tón­list hér síð­ast­liðin fjögur ár. Eitt það fyrsta sem ég gerði þegar ég kom til Íslands var að ganga í karla­kór­inn Bartónar á Kaffi­barnum. Þar eru svona tutt­ugu, jafn­vel fjöru­tíu strákar. Ég er búinn að læra íslensku í gegnum það. Við syngjum alls kyns lög. Það hefur verið mjög góð byrjun hjá mér hér á Íslandi. Við æfum í hverri viku og syngjum á ýmsum sam­komum.