Hérna er þrautin frá því í gær, þegar spurt var um upphafsorð frægra skáldsagna.

***

Fyrri aukaspurning:

Hér má sjá unga stúlku sem nú er ein frægasta persóna heimsins í sinni grein. Hvað heitir hún? — og tekið skal fram að hér dugar það nafn sem hún hefur tekið sér sjálf.

***

1.   Árið 1697 fór evrópskur þjóðarleiðtogi í mikið ferðalag um mörg Evrópulönd til að kynna sér ástandið þar, iðnað, lífshætti og fleira. Svo átti að heita sem hann ferðaðist undir dulnefni, en reyndar vissu nú allir hver þarna var á ferð. Ferðalagið stóð í eitt og hálft ár og þegar hann kom aftur heim tók hann ærlega til hendinni. Hvað hét hann?

2.   Í hvaða landi er borgin Vigo?

3.   Fljót eitt á Íslandi heitir Bergvatnskvísl þar sem það kemur upp en skiptir um nafn er neðar dregur og heitir að lokum ... hvað?

4.   Hver var fjármálaráðherra á Íslandi 1991 til 1999?

5.   Kona ein hét Aisha. Á fullorðinsárum þótti hún heilmikill skörungur, fróð, forvitin og vel að sér á mörgum sviðum, svo sem í ljóðlist, læknisfræði og fleiru. Hins vegar hefur athygli manna upp á síðkastið líka beinst að því að hún er sögð hafa verið aðeins níu eða tíu ára þegar hún gekk í hjónaband með rúmlega fimmtugum karli, þótt ögn sé aldur hennar umdeildur. Hvað hét eiginmaður Aishu?

6.   Í hvaða landi er borgin Auckland?

7.    Hvað eru margir strengir í venjulegri fiðlu?

8.   Hvað heitir leiðtogi Norður-Kóreu fullu nafni?

9.   Hvaða ár varð kjarnorkuslysið í Chernobyl?

10.   Robert Zemeckis heitir bandarískur kvikmyndaleikstjóri sem gerði á árunum 1985-1990 þrjár geysi vinsælar bíómyndir sem hétu Back to the Future I-III. Fjórum árum eftir að sú síðasta var frumsýnd þá sendi  Zemeckis hins vegar frá sér sína lang frægustu kvikmynd, og fékk meðal annars Óskarsverðlaun sem besti leikstjórinn það ár. Hvaða mynd var þetta?

***

Seinni aukaspurning:

Hvað heitir þessi leikkona?

***

Svör við aðalspurningum:

1.   Pétur, kallaður mikli.

2.   Á Spáni.

3.   Þjórsá.

4.   Friðrik Sophusson.

5.   Múhameð spámaður.

6.   Nýja Sjáland.

7.   Fjórir.

8.   Kim Jong-un.

9.   1986.

10.   Forrest Gump.

***

Svör við aukaspurningum:

Á efri myndinni er Lady Gaga.

Á neðri myndinni er Margrét Helga.

***

Og hlekkur á þrautina frá í gær.