290. spurningaþraut: Upphafsorð frægra skáldsagna

Hér er hlekkur á þraut­ina síðan í gær.

***

Allar spurn­ingar dags­ins snú­ast um upp­hafs­setn­ingar frægra skáld­sagna. Tekið skal fram að þar sem það á við hef ég sjálfur þýtt setn­ing­arnar sem teknar eru úr erlendum bókum. En auka­spurn­ing­arnar sýna fræga rit­höf­unda.

Á mynd­inni hér að ofan er banda­rískur rit­höf­undur sem hefur notið mik­illa vin­sælda all­langa hríð en hefur hins vegar kannski ekki talist mjög virtur höf­undur, þannig séð. Á því er að verða breyt­ing því gríð­ar­lega vin­sæl Netflix-sería að nafni Bridgerton hefur nú aukið vin­sældir og virð­ingu höf­und­ar­ins enn frekar — því Bridgerton er gerð eftir sögum hennar. En hvað heitir höf­und­ur­inn?

***

Aðal­spurn­ingar:

1.   Hvaða skáld­saga hefst á þessa leið? — „Einhvers staðar í La Mancha hér­aði, á stað sem ég nenni ekki að muna hvað heitir, þar bjó herra­maður einn fyrir ekki svo löngu, einn af þessum körlum sem eiga lensu og gamlan skjöld og hor­aða bikkju og fót­fráan mjó­hund.“

2.   Hvaða saga hefst svo? — „Þegar Gregor Samsa rumskaði af óró­legum draumum ein­hvern morg­un­inn upp­götv­aði hann að hann hafði breyst í risa­stóra pöddu.“

3.   „Mörður hét maður er kall­aður var gígja.“ — Hvaða saga byrjar á þessa leið?

4.   En hvaða langa og dramat­íska skáld­saga hefst svo? — „Ham­ingju­samar fjöl­skyldur eru allar eins, en óham­ingju­samar fjöl­skyldur eru óham­ingju­samar hver á sinn hátt.“

5.   En hvaða bók byrjar hins vegar á þessa leið? —  „Vitur maður hefur sagt að næst því að missa móður sína sé fátt holl­ara úngum börnum en missa föður sinn."

6,   Hvaða óhugn­an­lega saga hefst svo? — „Það var bjartur og kaldur dagur í apríl og klukk­urnar slógu þrettán.“

7.   „Sú var tíð, segir í bókum, að íslenska þjóðin átti aðeins eina sam­eign sem metin varð til fjár.“ — Í hvaða bók segir svo?  

8.   Einn heil­mik­ill doðrantur byrjar á þess­ari stuttu setn­ingu. — „Kallið mig Ísmael.“ Hvað heitir sá doðrantur?

9.   Og þetta létt­úð­uga upp­haf, hvar er það að finna? — „Það er sann­leikur hvar­vetna við­ur­kenndur að ein­hleypan mann, sem er vel stönd­ugur, hann hlýtur að vanta eig­in­konu.“

10.   Hér dugar að nefna bóka­flokk. — „Herra og frú Dursley á Privet Drive númer fjögur upp­á­stóðu ævin­lega stolt í bragði að þau væru ósköp venju­legt fólk.“

***

Seinni auka­spurn­ing:

Karlinn hér að neðan var afar vin­sæll á 19. öld og er svo sem enn. Hvað hét hann?

***

Svör við aðal­spurn­ingum eru hér að neðan. Ekki er nauð­syn­legt að þekkja höf­undana, þótt nöfn þeirra fylgi hér með (í 9 til­fellum af 10).

1.   Don Kíkóti eftir Cervantes.

2.   Ham­skiptin (Meta­morphosis) eftir Kafka.

3.   Njáls­saga.

4.   Anna Karenina eftir Tolstoj.

5.   Brekku­kotsann­áll eftir Halldór Laxness.

6.   1984 eftir Orwell.

7.   Íslands­klukkan eftir Halldór Laxness.

8.   Moby Dick eftir Melville.

9.   Hroki og hleypi­dómar (Pride and prejudice) eftir Jane Austen.

10.   Þetta er upp­haf fyrstu Harry Potter-bók­ar­innar, Harry Potter og visku­steinn­inn, eftir J.K.Rowling. Það dugar sem sé að nefna Harry Potter.

***

Svör við auka­spurn­ingum:

Á eftir mynd­inni er Julia Pott­in­ger, sem er þó mun þekkt­ari undir höf­und­ar­nafni sínu Julia Quinn.

Á neðri mynd­inni er Charles Dickens.

***   

Hér er aftur hlekkur á þraut­ina síðan í gær.