Þrautin frá því í gær!

***

Aukaspurningar:

Hvað hét höfundur persónanna sem hér að ofan sjást? Eftirnafn dugir.

***

Aðalspurningar:

1.   Eins og allir vita, þá nefnist teiknimyndasagan, þar sem ofangreindar persónur koma fram, Smáfólk á íslensku. En hvað heitir sagan á frummálinu, ensku?

2.   Meira um ensku. Bandaríkjamenn eru 328 milljónir. Algengasta ættarnafnið þar í landi bera 2,4 milljónir. Hvað er það?

3.   Fimm algengustu ættarnöfnin í Bandaríkjunum eru af klassískum engilsaxneskum uppruna, en það sjötta ekki. Hvaða ættarnafn skyldi það vera?

4.   Alls bera Bandaríkjamenn 6,3 milljónir ættarnafna. En sirka hversu mörg ættarnöfn eru til í Kína, þar sem íbúarnir eru 1,3 milljarður? Eru þau sex þúsund, sextíu þúsund, sex hundruð þúsund, sex milljónir, sextíu milljónir eða sex hundruð milljónir?

5.   Hvaða íslenska orð er hægt að nota bæði yfir illmenni og drykkjarílát?

6.   Hver er syðsti staður á Íslandi?

7.   Í hvaða landi er borgin Casablanca, sú sem fræg bíómynd er kennd við?

8.   En hvaða landi tilheyrir eyjan Baffinsland?

9.   Ráðherrabústaðurinn í Reykjavík stóð upphaflega úti á landi, en árið 1910 var það flutt til höfuðstaðarins. Hvar stóð þetta glæsihús upphaflega?

10.   Hvað heitir lengsta áin sem fellur í Eyjafjörð?

***

Síðari aukaspurning:

Hver er þetta?

***

Svör við aðalspurningum:

1.   Peanuts.

2.   Smith.

3.   Garcia.

4.   Kínversk ættarnöfn eru aðeins sex þúsund. Sjá hér nánari upplýsingar, ef einhver vill.

5.   Fantur.

6.   Surtsey.

7.   Marokkó.

8.   Kanada.

9.   Flateyri.

10.   Fnjóská.

***

Svör við aukaspurningum:

Höfundur Smáfólksins hét Schulz.

Á neðri myndinni Agnetha Fältskog, sem áður gerði garðinn frægan með ABBA.

***

Og aftur er hér hlekkur á þrautina frá því í gær.