Þrautin í gær!

***

Fyrri aukaspurning:

Hvað heitir fjallið sem sjá má á myndinni hér að ofan?

***

Aðalspurningar:

1.   Þessi á líka við myndina hér að ofan. Fjallið á myndinni prýðir alkunnugt vörumerki. Hvaða vörumerki er það?

2.   Í hvaða landi er höfuðborgin Canberra?

3.   Hver skrifaði leikritið um Ríkarð III?

4.   Hvað merkir 00 í einkennisnúmeri bresku njósnahetjunnar 007 eða James Bond?

5.   Hljómsveitin Blondie ætlar í tónleikaferð um Bretland í nóvember 2021. Þá verður aðalsöngkonan orðin 76 ára en hún mun vart láta sitt eftir liggja, ef ég þekki hana rétt. Hvað heitir hún?

6.  Þjórsá er lengsta á á Íslandi, að talið er. Hvað þýðir „þjór“?

7.   Hvernig er framhaldið: „Á misjöfnu þrífast ...“?

8.   Eitt af afmælisbörnum dagsins fæddist 14. janúar árið 83 fyrir Krist. Hann var einn af helstu hjálparkokkum Júliusar Caesars í Rómaveldi hinu mikla, en eftir að Caesar var myrtur gerðist hann sjálfur valdamaður mikill. Hann reyndi meira að segja að koma í stað Caesars í sæng drottningarinnar af Egiftalandi, hennar Kleopötru. Um síðir beið hann lægri hlut í borgarastríði í Róm gegn Ágústusi þeim sem varð fyrsti formlegi keisari heimsveldsins. En hvað hét afmælisbarnið?

9.   Annað afmælisbarn dagsins fæddist öllu síðar eða 14. janúar árið 1982. Hann lagði fyrir sig fótbolta og stóð í marki Barcelona á gullaldartíðinni undir stjórn Pep Guardiola, þegar hann hjálpaði Messi og félögum að vinna allt sem í boði var. Seinna reyndi markvörður þessi fyrir sér hjá Manchester United, en raunar með litlum árangri. Hvað heitir hann?

10.    Þriðja afmælisbarnið fæddist á þessum degi 1969 og var um hríð trommuleikari í hinni vinsælu og áhrifamiklu hljómsveit Nirvana, en stofnaði síðan sína eigin hljómsveit, Foo Fighters. Hvað heitir þetta afmælisbarn?   

***

Seinni aukaspurning:

Hér má sjá eina allra, allra frægustu konu 20. aldarinnar eins og hún leit út í blábernsku. Undir hvaða nafni varð hún síðar fræg?

***

Svör við aðalspurningum:

1.   Toblerone.

2.   Ástralía.

3.   William Shakespeare.

4.   Að hann hefur leyfi til að drepa.

5.   Debbie Harry.

6.   Naut.

7.   Börnin best.

8.   Marcus Antonius.

9.   Victor Valdez.

10.   David Grohl.

***

Svör við aukaspurningum:

Fjallið á efri myndinni er Matterhorn.

Barnið á neðri myndinni varð frægt undir nafninu Marilyn Monroe.

***

Og svo aftur þrautin frá í gær.