***
Fyrri aukaspurning:
Hver er þessi karlmaður?
***
Aðalspurningar:
1. Hversu margir eru Jarðarbúar af mannkyni? Hér verður að gefa nokkuð rúmt svigrúm eða um 300 milljónir til eða frá.
2. Hvað heitir höfuðborgin í Nepal?
3. Hvaða fjörður, vogur, flói eða vík er á milli Eyjafjarðar og Öxarfjarðar?
4. Hvað heitir félagið sem rekur Borgarleikhúsið?
5. „Ég hef móðgað guð og mannkynið vegna þess að verk mín náðu ekki þeim gæðum sem þau hefðu átt að gera.“ Þetta voru lokaorð listamanns sem dó árið 1519. Flestir eru reyndar ósammála hinum stranga dómi hans um eigin verk, en hver var maðurinn?
6. Í hvaða evrópska ríki voru flestar konur við stjórnvölin á 18. öld, eða fjórar talsins (auk einnar sem ríkti sem ríkisstjóri í rúmt ár)?
7. Föður Kára Stefánssonar, Stefáni Jónssyni, var ýmislegt til lista lagt, og sat meðal annars á þingi í níu ár. En fyrir hvaða aðalstarf var Stefán kunnastur fram að því?
8. Í hvaða grein skaraði Olga Færseth helst fram úr?
9. Kona nokkur fæddist árið 1890 og lést 104ja ára snemma árs 1995. Hún hét Rose og þótti mörgum góðum gáfum gædd, en eins og var hlutskipti ýmissa kvenna af henni kynslóð varð hún samt kunnust fyrir eiginmann sinn og börn. Hún eignaðist níu börn en frægastur er næstelsti sonurinn sem fæddist 1917 og lést nokkuð fyrir aldur fram. Síðasta dóttir Rose dó í fyrra. Hvaða ættarnafn bar Rose þessi?
10. Hvað var millinafn Margaret Thatcher?
***
Síðari aukaspurning:
Af hvaða tegund er þessi roskni bíll?
***
Svör við aðalspurningum:
1. Í gær voru Jarðarbúar rúmlega 7,84 milljarðar. Rétt telst vera allt frá 7,5 til 8,1 milljarðar.
2. Katmandu.
3. Skjálfandi.
4. Leikfélag Reykjavíkur.
5. Leonardo da Vinci.
6. Rússlandi.
7. Fréttamaður.
8. Í fótbolta.
9. Kennedy.
10. Hilda.
***
Svör við aukaspurningum.
Á efri myndinni er Assange, forprakki Wikileaks.
Á neðri myndinni er þessi ljómandi snotri Benz, sem sjá má í heilu lagi hér til hliðar.
***
Athugasemdir