Jújú, hérna er hún (þrautin frá í gær).
***
Fyrri aukaspurning:
Myndina hér að ofan mun Friðþjófur Nansen hafa tekið á Dýrafirði laust fyrir aldamótin 1900. Hvaða hvalategund liggur þarna í förunni?
***
Aðalspurningar:
1. Hver varð fyrsti íslenski ráðherrann árið 1904?
2. Þorsteinn Jónsson hét eitt frægasta skáld Íslands á ofanverðri 20. öld og í upphafi þeirrar 21. Hann kenndi sig jafnan við bæ nokkurn, eins og títt var á fyrri tímum. Hver var bærinn?
3. Nöfn fjögurra ríkja Bandaríkjanna byrja á bókstafnum A. Hver eru þau? Hér er nauðsynlegt að hafa þrjú rétt til að fá stig.
4. Í svipuðum dúr: Aðeins eitt ríki heims ber nafn er byrjar á O eða Ó. Hvaða ríki er það?
5. Bíómyndir um fræga tónlistarmenn hafa verið mjög í tísku að undanförnu. Nú er von á mynd um fræga jazz og blús-söngkonu sem dó aðeins 44 ára árið 1959. Hún átti einlægt í útistöðum við yfirvöld, var ofsótt vegna hörundslitar og drakk alltof mikið. En fáir voru hennar jafnokar við að túlka tilfinningarík lög. Diana Ross lék hana í myndinni Lady Sings the Blues árið 1972 en nú ætlar R&B söngkonan Andra Day að túlka hana. Þessi söngkona hét framan af ævi Eleonora Fagan en undir hvaða nafni varð hún fræg?
6. Hvaða nýlátni söngvari var frægastur fyrir að flytja lög eins og Ferry Cross the Mersey og You'll Never Walk Alone?
7. Í hvaða landi fellur áin Amason til sjávar?
8. Hvað hét herforinginn sem vann orrustuna við Waterloo 1815?
9. Hvað er Soyuz?
10. Orðin draumar og draumatími (á ensku „dreaming“ og „dreamtime“) hafa verið notuð um hugmyndaheim fólks, sem var upprunalegir íbúar á tilteknu svæði jarðar. Umdeilt er hversu nothæf þessi hugtök eru, en burtséð frá því: Hvaða svæði var hér um að ræða?
***
Seinni aukaspurning:
Hvaða ríki á þennan fána?
***
Svör við aðalspurningum:
1. Hannes Hafstein.
2. Hamar.
3. Alabama, Alaska, Arizona og Arkansas. Hafa þarf þrjú rétt.
4. Oman.
5. Billie Holiday.
6. Gerry Marsden.
7. Brasilíu.
8. Wellington.
9. Sovésk og síðan rússnesk geimför.
10. Ástralíu.
***
Svör við aukaspurningum.
Hvalurinn á efri myndinni er sléttbakur. (Hnúfubakur er auðþekkjanlegur á mun lengri bægslum.)
Fána þessum skartar Ítalía.
***
Athugasemdir