Þrautin í gær, reynið yður við hana!

***

Spurningar um atburði ársins 2020. Fyrri aukaspurningin snýst um konuna á myndinni hér að ofan. Hún stóð heldur betur í ströngu á árinu. Hvar?

***

Aðalspurningar:

1.   Þann 25. maí var maður drepinn af lögreglunni í Minnesota í Bandaríkjunum og varð sá atburður tilefni mikilla mótmæla. Hvað hét maðurinn? Hér er spurt um fullt nafn.

2.   Á árinu komu út bækur um Donald Trump sem vöktu heilmikla athygli. En hversu margar bækur hafa verið gefnar út í Bandaríkjunum (og víðar) um Trump á þeim fjórum árum sem liðin eru síðan hann varð forseti? Eru það um það bil 1-2 bækur, 12 bækur, 120 bækur eða 1.200 bækur?

3.   Hvað gerðist á bílastæði fyrir framan húsnæði garðavinnslunnar Four Seasons Total Landscaping í Philadelphia í Bandaríkjunum?

4.   Þann 9. ágúst 2020 stóð Sviatlana Heorhiyeuna Tsikhanouskaya í stórræðum. Hvar þá?

5.   Henry Charles Albert David Windsor og Megan Markle voru í fréttum framan af ári þegar þau kváðust ekki lengur nenna að opna blómasýningar í forföllum Elísabetar Bretadrottningar – eða hvernig sem þau orðuðu það nú aftur. En þótt Harry og Megan vildu ekki lengur sinna skyldum sem kóngafólk á Bretlandi, þá vilja þau ólm frá að halda hertogatitli sem Elísabet úthlutaði þeim á sínum tíma. Þau teljast nefnilega vera hertogahjónin af ...?

6.   Ólympíuleikunum sem fara áttu fram á árinu var frestað, en stefnt er að þeim á næsta ári. Hvar áttu þeir að fara fram?

7.   Hvaða heimsfræga ameríska körfuboltastjarna dó í þyrluslysi á árinu ásamt dóttur sinni og fleira fólki?

8.   Meðal þeirra sem dóu úr covid-19 var Dave Greenfield, hljómborðsleikari í frægri rokkhljómsveit, sem kom hingað til lands þrisvar, fyrst árið 1978. Vænta má þess að hljómsveitin beri vart sitt barr eftir að Greenfield er úr sögunni. En hver er hljómsveitin?

9.   Carole nokkur Baskin komst í fréttirnar þegar hún kom mjög við sögu í sjónvarpsþáttaröð, sem sló rækilega í gegn nokkuð óvænt, og fjallaði um miklar sviptingar og baráttu milli hennar og tiltekins manns um ... hvað?

10.   Skammstöfunin AOC kom heilmikið við sögu í bandarískri pólitík á árinu sem er að líða. Hvað þýðir þessi skammstöfun?

***

Seinni aðalspurning:

Þann 3. janúar 2020 komst gráhærði maðurinn hér á myndinni (annar frá vinstri) heldur betur í fréttirnar. Hvað varð til þess?

***

Svör við aðalspurningum:

1.   George Floyd.

2.   Eitt þúsund og tvö hundruð bækur!

3.   Rudy Guiliani lögmaður Trumps hélt þar frægan blaðamannafund.

4.   Í Bélarus eða Hvíta-Rússlandi. Hún var þar í forsetaframboði gegn Lúkasjenka forseta.

5.   Sussex.

6.   Tókíó.

7.   Kobe Bryant.

8.   Stranglers. Sjá hér!

Alexandra Ocasio-Cortezþingmaður frá New York.

9.   Dýragarðsrekstur, (stórra) kattahald.

10.   Alexandra Ocasio-Cortez.

***

***

Svör við aukaspurningum:

Sú fyrri: Rétt svar er Hong Kong. Þetta er Carrie Lam leiðtogi stjórnarinnar þar sem mótmælt hefur verið allt árið. „Kína“ dugar hvergi nærri sem rétt svar.

Á neðri myndinni er Kassam Soleimani, íranskur herforingi sem drepinn var í drónaárás Bandaríkjanna. Ekki er nauðsynlegt að muna nafn hans.

Hér er svo hlekkurinn á þrautina frá í gær.