44 pró­sent aðspurðra ótt­ast að fjölgun inn­flytj­enda sem aðhyll­ast íslam muni auka lík­urnar á hryðju­verkum á Íslandi. Meiri­hluti er þó fylgj­andi því að tekið verði við fleiri flótta­mönnum og vill ekki tak­marka fjölda múslima á meðal þeirra.

Þetta kemur fram í rann­sókn Mar­grétar Valdi­mars­dóttur og Guð­bjargar Andreu Jóns­dóttur sem birt er í tíma­rit­inu Stjórn­mál og stjórn­sýsla.

Að mati höf­unda er mik­il­vægt að rann­saka afstöðu almenn­ings til inn­flytj­enda vegna aukn­ingar fólks­flutn­inga á milli landa og fjölg­unar hæl­is­leit­enda. Rann­sóknir sýni að slíkir flutn­ingar geti ekki aðeins aukið lífs­gæði inn­flytj­end­anna heldur einnig aukið hag­vöxt og þróun mót­töku­rík­is­ins. Fordómar og nei­kvætt almenn­ings­á­lit geti hins vegar hindrað aðlögun inn­flytj­enda og ógnað öryggi þeirra.

Margrét Valdi­mars­dóttir

Í grein­inni kemur fram að nei­kvæðni í garð inn­flytj­enda, sér­stak­lega múslima, hafi auk­ist í Evrópu und­an­farin ár. Hana megi mögu­lega rekja til þess fjölda fólks sem hefur leitað hælis und­an­farin ár, en einnig til mann­skæðra hryðju­verka­árása sem ísla­mistar hafa framið. …