***
Fyrri aukaspurning:
Úr hvaða sjónvarpsseríu frá því um 1970 er skjáskotið hér að ofan?
***
Aðalspurningar:
1. Árið 1917 settist eiginleg ríkisstjórn að völdum á Íslandi í fyrsta sinn, en fram að því hafði verið aðeins einn ráðherra. Í þessari fyrstu ríkisstjórn voru forsætisráðherra, fjármálaráðherra og ... hver var sá þriðji?
2. Eyjaálfa er minnsta heimsálfan í ýmsum skilningi. Hversu mörg sjálfstæð ríki tilheyra Eyjaálfu? Hér má muna einu til eða frá.
3. En hvaða heimsálfa er annars næstminnst? – og hér er átt við flatarmál.
4. Í hvaða ríki stjórnaði Ming-ættin?
5. Ítalska skáldið Dante Alighieri orti í byrjun 14. aldar þrjú mikil kvæði um helvíti, hreinsunareldinn og himnaríki. Hvað hefur bálkur Dantes verið kallaður í heilu lagi?
6. Sá sem fann upp á þessu skemmtilega nafni á kvæðabálki Dantes var annað ítalskt skáld, sem hét Boccaccio. Hann er frægur fyrir mikið prósaverk er nefnist Decameron og hann lauk við 1353. Þar segja nokkur ungmenni hvert öðru skemmtilegar og lærdómsríkar sögur, meðan þau eru á flótta undan ... ja, undan hverju?
7. Ein af aðalpersónum sjónvarpsseríunnar Ráðherrann var aðstoðarmaður forsætisráðherra. Hún hét Hrefna, en hvaða leikkona túlkaði hana? Hér má sleppa föður-, móður- eða ættarnafni leikkonunnar.
8. Í landi er borgin Kraków?
9. En hvar er borgin Kharkiv?
10. Árið 1959 var opnuð við Laugaveg í Reykjavík fyrsta raunverulega verslunarmiðstöðin hérlendis. Hvað nefndist hún?
***
Seinni aukaspurning:
Þessi kona var einn færasti og frægasti arkitekt Íslands, þótt hún starfaði raunar erlendis mestan hluta ævinnar. Á Íslandi voru þó reist ýmis hús sem hún teiknaði og til dæmis frægt einbýlishús við Bakkaflöt í Garðabæ sem vakti athygli um víða veröld. Hún lést 2017, 88 ára gömul. Hvað hét hún? Eins og í spurningunni hér að ofan dugar skírnarnafn.
***
Svör við aðalspurningum:
1. Atvinnumálaráðherra.
2. Ríkin eru 14, svo allt frá 13-15 telst rétt.
3. Evrópa.
4. Kína.
5. Gleðileikurinn guðdómlegi.
6. Svarta dauða. „Einhverri farsótt“ telst ekki duga.
7. Þuríður Blær. Hún er reyndar Jóhannsdóttir.
8. Póllandi.
9. Úkraínu.
10. Kjörgarður.
***
Svör við aukaspurningum:
Sjónvarpsþættir hétu UFO eða FFH á íslensku.
Konan hét Högna, hún var Sigurðardóttir.
***
Spurningaþrautin
Fyrri grein
224. spurningaþraut: Kolmunni, Stóri bróðir, Mið-Asía, Tyrkland, sushi
Næsta grein
Athugasemdir