Hér er þraut gærdagsins.

***

Fyrri aukaspurning:

Hvað sýnir ljósmyndin hér að ofan, eða var að minnsta kosti talin sýna um skeið?

***

Aðalspurningar:

1.   Hvað nefndi hann sig, maðurinn sem varð forseti Tyrklands á þriðja áratugnum, sat til dauðadags 1938 og gerbylti tyrknesku samfélagi?

2.   Hvað er kolmunni?

3.   Í hvaða skáldsögu kom fyrirbrigðið „Stóri bróðir“ fyrst fram? 

4.   Í Mið-Asíu eru nú nokkur sjálfstæð ríki sem áður voru hlutar Sovétríkjanna. Hve mörg eru þau?

5.   Hvað hét síðari eiginkona John Lennons Bítils?

6.   En sú fyrri?

7.   Nona Gaprindasvíli frá Georgíu (sem þá tilheyrði Sovétríkjunum) varð heimsmeistari kvenna í tiltekinni grein árið 1962. Hún hélt þeim titli til 1978 þegar landa hennar Maya Chiburdanize tók við og var heimsmeistari til 1991. Í hvaða grein voru þær heimsmeistarar?

8.   Galdhöpiggen heitir hæsti fjallstindur í Norður-Evrópu. Í hvaða landi er hann?

9.   Í hvaða landi er sushi upprunnið?

10.   Rugila hét kóngur einn á mótum Evrópu og Asíu sem ríkti til ársins 425 e.Kr. eða þar um bil. Þegar hann dó tóku við tveir bróðursynir hans. Annar hét Bleda en hann dó eftir um það bil 20 ár á valdastóli, og sögðu fornir höfundar að félagi hans og bróðir á valdastóli hefði látið drepa Bleda. Eftir það ríkti bróðirinn einn í tæp tíu ár, en dó svo árið 453. Þá mun feginsstuna hafa farið um stóran hluta Evrópu. Hvað hét þessi illskeytti bróðir hans Bleda?

***

Seinni aukaspurning:

Hvað heitir leikkonan á þessari mynd hér að neðan?

***

Svör við aðalspurningum:

1.   Ataturk.

2.   Fiskur.

3.   1984.

4.   Fimm. Þau eru Kasakstan, Úsbekistan, Tajikistan, Kyrgyzstan og Turkmenistan en ekki er nauðsynlegt að þekkja nöfnin.

5.   Yoko Ono.

6.   Cynthia.

7.   Skák kvenna.

8.   Noregi.

9.   Japan.

10.   Atli, konungur Húna.

***

Svör við aukaspurningum:

Á efri myndinni er Loch Ness-skrímslið. Myndin er þó vitaskuld fölsuð.

Á neðri myndinni er Cameron Diaz.

***

Hér er þraut gærdagsins, já, aftur.