Þrautin síðan í gær.

***

Aukaspurning númer eitt:

Skoðið myndina hér að ofan. Hver átti svona fínan jakka?

***

Aðalspurningar:

1.   Í þáttunum um bresku konungsfjölskylduna kemur Mountbatten-fjölskyldan nokkuð við sögu. Filippus eiginmaður Elísabetar Bretadrottningar er til dæmis systursonur Mountbattens lávarðar, sem írskir hryðjuverkamenn myrtu. Faðir Mountbattens lávarðar var þýskur prins, sem gerðist breskur flotaforingi, og árið 1917 skipti hann um nafn, af því hans rétta nafn þótti of þýskt – sér í lagi þegar Bretland átti í hörðu stríði við Þýskaland. En hvað var hið upphaflega þýska nafn Mountbatten-ættarinnar?

2.   Rudy Guiliani er orðinn frægur sem aðsópsmikill lögmaður Donalds Trumps og þykir framganga hans með nokkrum ólíkindum. Fyrir tæpum 20 árum gegndi Guiliani hins vegar öðru starfi, og þá vakti hann reyndar mikið lof fyrir starf sitt og framkomu. Hvaða starf var það?

3.   Sigurður Ingi Jóhannsson er samgönguráðherra, en í titli hans er reyndar líka annað ráðuneyti nefnt til sögu. Hann er sem sagt samgöngu- og [hvað]ráðherra?

4.   Hvað heitir stærsti jökull á Íslandi?

5.   Hvaða dýr er frægt fyrir að stífla ár og koma sér upp einskonar greni í stíflunni?

6.   Hver er stærsta eyja Evrópu? 

7.   Hversu mörg börn hefur Joe Biden verðandi Bandaríkjaforseti eignast?

8.   Úr því minnst er á Joe Biden, þá á hann tvö hunda, Champ og Major, sem munu væntanlega flytja með honum í Hvíta húsið. Hundarnir eru báðir af sömu tegund. Hver er hún?

9.   Hvar var lýst yfir lýðveldi á Íslandi árið 1944?

10.   Niña, Pinta og ...? Hvaða nafn vantar hér?  

***

Seinni aukaspurning:

Í hvaða evrópsku borg er þetta nútímalistasafn?

***

Svör við aðalspurningum:

1.   Battenberg.

2.   Borgarstjóri í New York.

3.    Samgöngu- og sveitastjórnarráðherra.

4.   Vatnajökull.

5.   Bjórinn.

6.   Bretland.

7.   Fjögur. Aðeins tvö eru á lífi.

8.   Þýskir fjárhundar, Schäferhundar uppá þýsku.

9.   Á Þingvöllum.

10.   Santa Maria. Þetta voru skip Kristófers Kólumbusar í fyrsta leiðangrinum yfir Atlantshafið til Ameríku.

***

Svör við aukaspurningum:

Borís Spasskí heimsmeistari í skák átti jakkann.

Listasafnið (Guggenheim) er í Bilbao á Spáni.

***

Og loks, þrautin frá í gær.