Hershöfðingjaþrautin frá því í gær er hér!

***

Fyrri aukaspurning:

Hver málaði málverkið hér að ofan?

***

Aðalspurningar:

1.   Hver samdi píanóverkið Für Elise?

2.   Í hvaða innhafi eru Álandseyjar?

3.   Fjallgarður einn umlykur stóran hluta Tékklands eða Bæheims, eins og svæðið kallaðist einu sinni. Hvað heita fjöllin?

4.   Í hvaða þýsku borg fóru fram frægustu stríðsglæparéttarhöldin eftir síðari heimsstyrjöldina?

5.    Hve margir þingflokkar náðu kjöri á Alþingi fyrir þremur árum?

6.   Hvað heitir leikkonan sem leikur Diönu prinsessu í þeirri seríu sjónvarpsþáttanna The Crown sem nú er sýnd á Netflix?

7.   Hljómsveit ein hóf feril sinn í rappi í Los Angeles laust fyrir síðustu aldamót en hefur smátt og smátt fært sig yfir í aðeins poppaðri tónlist, þótt rappið sé aldrei fjarri. Hljómsveitin er ein sú vinsælasta í heimi, hefur fengið tónlistarverðlaun í tonnatali og sent frá sér geysivinsæl lög á borð við RITMO (Bad Boys For Life), Where Is The Love? og I Gotta Feeling. Söngkonan Fergie var árum saman meðlimur í hljómsveitinni en reri síðan á eigin mið. Hvað heitir þessi hljómsveit?

8.   Shakira heitir ein vinsælasta söngkona heims, sér í lagi í hinum rómanska heimi. Eiginmaður hennar er líka þokkalega þekktur en hann spilar í vörninni í einu af frægasta fótboltaliði heims. Hvað heitir karl?

9.   Viktoríuvatn heitir eitt stærsta stöðuvatn í heimi og altént það stærsta í Afríku. Þrjú ríki eiga lönd að vatninu. Hver eru þau? Hér verður að hafa þau öll þrjú rétt.

10.   Hvaða hljómsveit sendi á sínum tíma frá sér plötuna Abbey Road?

***   

Síðari aukaspurning:

Á myndinni hér að neðan má sjá valdamann einn á sínum yngri árum. Hvað heitir maðurinn?

***

Svör við aðalspurningum:

1.   Beethoven. Heyrið verkið hér: 

2.   Eystrasalt.

3.   Súdetafjöll.

4.   Nürnberg.

5.   Átta.

6.   Emma Corrin.

7.   Black Eyed Peas. 

8.   Pique. Hann spilar með Barcelona.

9.   Kenía, Úganda og Tansanía.

10.   Bítlarnir.

***

Svör við aukaspurningum.

Sá sem málaði hina „nöktu Mayu“ á efri myndinni var spænski málarinn Goya.

Síðari aukaspurning:

Á myndinni er Lyndon B. Johnson, forseti Bandaríkjanna 1963-1968.

***

Hver á eftir þrautina frá í gær? Hér má finna hana.