Þraut gærdagsins er hér.

***

Athugið að fyrir mistök voru í fyrstu 11 aðalspurningar, tvær voru númer 6. Ég tók út þá seinni en nota hana síðar.

***

Fyrri aukaspurning snýst um myndina hér að ofan. Hver er karlmaðurinn á myndinni?

***

Aðalspurningar:

1.   Bandaríska lyfjafyrirtækið Pfizer tilkynnti á dögunum að það væri að ljúka þróun bóluefnis við covid-19 í samvinnu við þýskt líftæknifyrirtæki. Hvað heitir þýska fyrirtækið?

2.   Hvað heitir ræningjarnir þrír í leikritinu um Kardimommubæinn?

3.   Hvað heitir forseti Brasilíu?

4.   Hvað hét höfundur fyrstu bókarinnar um doktor Frankenstein og skrímsli hans?

5.   Samfylkingin bauð fyrst fram sem kosningabandalag árið 1999 og hafði þá svonefndan talsmann fremur en formann. Hver var sá talsmaður?

6.   Nítján tungl í sólkerfinu eru nógu stór til að þyngdaraflið hafi gert þau alveg hnattlaga. Af þessum nítján stóru tunglum eru sautján hulin íshellu. Tunglið okkar er annað þeirra sem er ekki umlokið ís, en hvað heitir hitt?

7.   Hvað þýðir orðið "requiem", sér í lagi þegar átt er við tónverk?

8.   Kona nokkur fæddist árið 1947. Hún bar þá ættarnafnið Shand og tilheyrði yfirstéttinni á Bretlandi. Árið 1973 gekk hún í hjónaband með karli einum sem einnig tilheyrði yfirstéttinni, en hjónabandið var þó ekki hamingjusamt og varð fljótlega nafnið tómt. Konan skildi þó ekki við eiginmann sinn fyrr en 1995 og 2005 gekk hún aftur í hjónaband. Þessi seinni eiginmaður var víst sá sem hún hafði elskað allan tímann, og hafa þau verið lukkuleg æ síðan. Hvaða kona er þetta?

9.   Í júní 1950 var opnað nýtt útivistarsvæði í Reykjavík. Hvað nefnist það?

10.   Hver urðu örlög Heinrich Himmlers yfirmanns þýsku SS-sveitanna?

***

Seinni aukaspurning:

Útlínur hvaða Evrópulands eru þetta?

***

Svör við aðalspurningum:

1.   BioNTech.

2.   Kasper, Jesper og Jónatan.

3.   Bolsonaro.

4.   Mary Shelley.

5.   Margrét Frímannsdóttir

6.   Íó – við Júpíter

7.   Sálumessa.

8.   Camilla hertogaynja af Cambridge, áður Camilla Parker-Bowles.

9.   Heiðmörk.

10.   Hann svipti sig lífi.

***

Svör við aukaspurningum:

Á efri myndinni er Heath Ledger.

Á neðri myndinni má sjá útlínur Belgíu.

***

Og aftur hlekkur á þrautina síðan í gær.