Hér er þrautin frá í gær.

***

Fyrri aukaspurning:

Á myndinni hér að ofan er herskipið HMS Falmouth. Hvað kom fyrir það?

***

Aðalspurning:

1.   Hvaða íslenski tónlistarmaður sendi nýlega frá sér plötuna Some Kind of Peace?

2   Árið 1986 kom út smásagnasafnið Níu lyklar eftir nýjan og óreyndan rithöfund. Þessi höfundur hefur síðan gefið út fjölda skáldsagna sem flestar hafa mælst einkar vel fyrir og selst vel. Þó hefur höfundurinn jafnan sinnt ritstörfum í hjáverkum frá öðrum störfum. Hvaða höfundur er þetta?

3.   Kona nokkur átti að vinna ull en nennti því engan veginn, svo hún tók því fegins hendi þegar stórskorin kerling bauðst til að vinna ullina fyrir hana. Þegar konan spurði kerlingu hvað hún vildi fá að launum svaraði kerling: „Það er nú ekki mikið. Þú skalt segja mér nafn mitt í þriðju gátu, og erum við þá sáttar.“ Spratt af þessu heilmikil saga, en hvað hét kerlingin?

4.   Hvaða starfi gegndi Konrad Adenauer frá 1949 til 1963?

5.   Hver er varaformaður Framsóknarflokksins?

6.   Olivia Colman heitir bresk leikkona sem gerir nú garðinn frægan í hlutverki konu einnar, sem ýmsar aðrar leikkonur hafa leikið á undan henni, svo sem Helen Mirren og Claire Foy. Hvaða hlutverk er það?

7.   Í upphafi árs 2018 fékk Olivia hins vegar Óskarsverðlaun sem besta leikkona í aðalhlutverki fyrir magnaða frammistöðu í myndinni The Favourite. Hvaða hlutverk lék hún í þeirri mynd.

8.   „Að lokum legg ég til að Karþagó verði lögð í eyði.“ Hvaða Rómverji var frægur fyrir að enda allar ræður sínar á þessum orðum?

9.   Hvaða dýr sendi Nói úr Örkinni til að leita lands?

10.   Í hvaða heimsálfu eru Andesfjöll?

***

Seinni aukaspurning:

Hver er þetta?

***

Svör við aðalspurningum:

1.   Ólafur Arnalds.

2.   Ólafur Jóhann Ólafsson.

3.   Gilitrutt.

4.   Kanslari Vestur-Þýskalands.

5.   Lilja Alfreðsdóttir.

6.   Elísabetu drottningu.

7.    Önnu drottningu.

8.   Cato. Þeir voru reyndar tveir en nafnið Cato dugar alveg.

9.   Dúfu.

10.   Suður-Ameríku.

***

Svör við aukaspurningum.

Sú fyrri:

HMS Falmouth sigldi á íslenska varðskipið Tý í þriðja þorskastríðinu 1976. Nóg er að hafa stikkorðin „ásigling“, „varðskip“ og „þorskastríð“.

Sú seinni:

Þarna má sjá handboltahetjuna Sigurð Sveinsson.

***

Og hlekkurinn á þraut gærdagsins.