***
Fyrri aukaspurning:
Hvað hét málarinn sem málaði myndina hér að ofan?
***
Aðalspurningar:
1. Hvað heitir málverkið á myndinni hér að ofan?
2. Í hvaða landi er höfuðborgin Ottawa?
3. Hann er mikill spurningaleikjakappi, aðallega sem spurningahöfundur nú hin seinni árin, en hefur einnig getið sér orð fyrir allskonar fræðslustörf og gönguferðir, alveg fyrir utan pólitísk hugðarefni. Námskeið sem hann hefur gjarnan haldið um bjór munu vera einkar skemmtileg, án þess að ég hafi setið eitt slíkt. Hvað heitir hann?
4. Annar spurningaleikjakappi var Íslendingur sem ólst upp í Skotlandi og varð afar vinsæll fjölmiðlamaður þar í landi, og sá meðal annars um spurningaþáttinn Mastermind hjá BBC í aldarfjórðung. Jafnframt skrifaði hann bækur, meðal annars um Ísland, þýddi Halldór Laxness á ensku og fleira. Hvað hét hann?
5. Sjúkdómurinn inflúensa dregur nafn sitt af því að menn töldu fyrrum að sjúkdómurinn sprytti fram undir áhrifum („inflúens“) frá ákveðnum hlut eða hlutum. Hvað var það?
6. Hvar á Íslandi er Ferstikla?
7. Íslensk skáldkona gaf út fáar en vandaðar ljóðabækur, þær síðustu tvær hétu Höfuð konunnar og Hvar sem ég verð. Hún var jafnframt rómuð fyrir þýðingar sínar á skáldsögum Dostoévskís úr rússnesku. Hvað hét hún?
8. Hvað heitir söngkonan sem söng áratugum saman með Hljómsveit Ingimars Eydals á Akureyri?
9. Toru Iwatani heitir japanskur tölvukarl sem skapaði einn af fyrstu tölvuleikjunum árið 1980, alla vega einn þeirra allra fyrstu sem náðu verulegri útbreiðslu. Iwatani fannst tölvuleikirnir sem félagar hans voru að skapa snúast of mikið um stríð og bardaga, og einsetti sér að skapa leik sem væri huggulegur, skemmtilegur, litríkur og snerist um að borða. Honum tókst sannarlega ætlunarverkið. Hvað heitir leikurinn sem hann bjó til?
10. „Þeim var ég verst er ég unni mest.“ Hver sagði þetta?
***
Seinni aukaspurning:
Hvaða hljómsveit er þetta?
***
Svör við aðalspurningum:
1. Stúlkan með perlueyrnalokkinn.
2. Kanada.
3. Stefán Pálsson.
4. Magnús Magnússon.
5. Himintunglin.
6. Hvalfirði.
7. Ingibjörg Haraldsdóttir.
8. Helena Eyjólfsdóttir.
9. Pac-man.
10. Guðrún Ósvífursdóttir.
***
Svör við aukaspurningum:
Sú fyrri: Vermeer.
Sú seinni: Trabant.
***
Og enn: Þrautin frá í gær.
Spurningaþrautin
Fyrri grein
201. spurningaþraut: Stöðuvatn í Soginu, eiginkona forsætisráðherra, þungbrýndur Armeni
Næsta grein
Athugasemdir