Hópur fólks hengdi upp borða á hús í nágrenni við heima­hús sendi­herra Póllands þar sem hann er sak­aður um sinnu­leysi gagn­vart öryggi pól­skra kvenna. Nýlega var hert enn frekar að lögum um þung­un­ar­rof í Póllandi, en konum standa þar sára­fáar leiðir til að rjúfa þungun. Sendi­herra brást við þessum mót­mælum með því að hafa sam­band við lög­reglu til að fjar­lægja borð­ann. 

Í fyrr­inótt hengdi Martyna Dobrowolska upp borð­ann með vinum sínum á húsið sem hún býr í, en hún er nágranni Gerard Pokruszyński, sendi­herra Póllands á Íslandi. Í sam­tali við Stundina segir hún að þessi mót­mæli hafi sprottið upp úr þeirri reiði sem kraumar í pólska sam­fé­lag­inu.

„Þetta hófst með reiði,“ segir hún. „Sendi­herr­ann á að vera tals­maður okkar Pólverja á Íslandi, en hann hefur ekki talað fyrir okkar hönd.“

Tvenn mót­mæli fóru fram á Íslandi fyrir utan sendi­ráð Póllands í októ­ber vegna þung­un­ar­rofslög­gjaf­ar­innar. Ljóst er að mikil óánægja ríkir um hana hér­lendis, en sendi­herra hefur hvorki tjáð sig opin­ber­lega um lög­gjöf­ina við pólska borg­ara hér á landi né við rík­is­stjórn Póllands.

Sendi­herra ásak­aður um sinnu­leysiMikil mót­mæli hafa farið fram eftir að stjórn­ar­skrár­dóm­stóll Póllands þrengdi aðgengi fólks í Póllandi að þung­un­ar­rofi. Hópur af Pólverju sem búa á Íslandi hengdu upp borða til að spyrja sendi­herra Póllands um að útskýra afstöðu sína.

Hringdi í lögreglu til að fjarlægja borðann

Martyna segir að borð­inn sé til­raun til mót­mæla á þessum for­dæma­lausu tímum þar sem erfitt er að koma saman og mót­mæla. Í stað þess að sitja eirð­ar­laus seg­ist hún hafa ákveðið að nýta það að hún sé nágranni sendi­herr­ans til að koma skila­boð­unum áleiðis.

„Þrátt fyrir að reiði sé að baki þessa mót­mæla þá er borð­inn vís­vit­andi ekki ógn­andi“ 

„Þrátt fyrir að reiði sé að baki þessa mót­mæla þá er borð­inn vís­vit­andi ekki ógn­andi,“ segir hún. „Þetta er til­raun til að fá sendi­herra til að tjá sig og taka þátt í sam­ræðum.“

Í stað þess að hefja sam­ræður segir hún sendi­herr­ann hafa svarað með þögg­un­ar­til­burðum. „Hann hringdi í lög­regl­una, sem hafði sam­band við leigu­sala minn og sagði henni að taka borð­ann niður.“

Fulltrúi lög­regl­unnar segir í sam­tali við Stundina ekki kann­ast við málið þar sem það hafi ekki verið bókað, en segir að ef lög­reglan hafi haft sam­band við leigu­salan að þá hafi það ekki verið skipun.

Borðinn fjarlægður innan skamms

Martyna hefur verið að heiman í dag og seg­ist því ekki ná að taka borð­ann strax niður, en að hann verði fjar­lægður innan skamms.

Aðspurð um skila­boð borð­ans útskýrir hún: „Fólk í valda­stöðu þarf aldrei að horfast í augu afleið­ingar gjörða sinna, sér­stak­lega frá fólki eins og mér. Ég hef engin völd, nema kannski til­fallandi jarð­fræði­leg völd sem nágranni sendi­herr­ans. Ég vil að hann viti að það sé ekki auð­velt að þagga niður í röddum pól­skra kvenna.“

Stundin hafði sam­band við sendi­ráðið en var tjáð að Gerard Pokruszyński gæti ekki svarað spurn­ingum blaða­manns. Upp­lýs­inga­full­trúi sagð­ist ekki getað tjáð sig um þessa atburða­rás.

Í Póllandi hafa allt að 400.000 manns mót­mælt í Varsjá og öðrum stór­borgum, og pólska rík­is­stjórnin hefur því ákveðið að laga­breyt­ingin muni ekki taka strax gildi.

Á þriðju­dag­inn síð­ast­lið­inn lagði Rósa Björk Brynj­ólfs­dóttir, óháður þing­maður, fram til­lögu þess efnis að tryggja konum sem ferð­ast til Íslands aðgengi að þung­un­ar­rofi ef það er ólög­legt í heima­landi þeirra. Tillagan hefur ekki enn verið tekin fyrir á Alþingi.