Þrautin frá í gær, jú, hérna er hún.

***

Fyrri aukaspurning:

Á skjáskotinu hér að ofan má sjá hluta af frægu plötuumslagi. Hvað hét hljómsveitin sem gaf út plötuna?

***

Aðalspurningar:

1.   Einu sinni var hérað eitt í Evrópu kallað Bessarabía. Nú er þetta nafn aflagt en tveir þriðju hliðar hinnar gömlu Bessarabíu eru sérstakt sjálfstætt ríki. Hvað heitir það?

2.   Hver var fastagestur árum saman í bókmenntaþætti Egils Helgasonar, Kiljunni?

3.   Petra Kelly hét kona ein, baráttuglöð og hugsjónarík. Hún fæddist 1947. Um 1980 átti hún þátt í að stofna merkilegan stjórnmálaflokk í heimalandi sínu, sem tók að ýmsu leyti nýjan pól í hæðina í pólitískri baráttu. Hún sat á þingi í sjö ár en var síðar myrt af ókunnum ástæðum af sambýlismanni sínum, sem líka stjórnmálamaður og fyrrum hershöfðingi. Hvað hét stjórnmálaflokkurinn sem Petra Kelly átti svo mikinn þátt í að stofna?

4.   Djúp sár gróa hægt, Hann er ekki þú, Sólblóm og Rólegur kúreki – þetta eru allt lög á nýrri hljómplötu sem ... hver gaf nýlega út?

5.   Landakotsspítali var upphaflega stofnaður af tilteknum kristnum söfnuði. Hvaða söfnuður var það?

6.   Gömul og góð hljómsveit hefur gengið í gegnum miklar mannabreytingar þá áratugi sem hún hefur starfað. Nokkrir af elstu meðlimunum eru löngu hættir, menn eins og Martin Barre, John Evan, Barrimore Barlow og Jeffrey Hammond-Hammond. Hér er svo ótalinn sannkallaður leiðtogi hljómsveitarinnar og raunar andlit hennar í 50 ár, maður sem oft hefur heimsótt Íslandsstrendur. Hvað heitir hljómsveitin sem hefur m.a.s. haldið tónleika á Akranesi af öllum stöðum?

7.   Hvað heitir höfuðborg Brasilíu?

8.   Til nefdýra teljast örfáar tegundir sem búa í Ástralíu og á Nýju Gíneu. Þessar tegundir eru algjörlega einstæðar meðal spendýra af tiltekinni ástæðu. Hver er hún?

9.   Rishi Sunak heitir maður nokkur, fertugur að aldri, ættaður frá Punjab-héraði á Indlandi en fæddur í Evrópu. Hann varð margmilljóner á því að starfa í bönkum og fjárfestingarsjóðum, en sneri sér síðan að pólitík og er orðinn fjármálaráðherra í tilteknu nágrannalandi okkar. Hvaða land er það?

10.   „Buttercup“ eða „smjörbolli“ heitir mjög algeng blómategund á enskri tungu. Hvað heitir smjörbollinn á íslensku?

***

Seinni aðalspurning:

Hver er þetta?

***

Svör við aðalspurningum:

1.   Moldova.

2.   Bragi Kristjónsson.

3.   Græningjaflokkurinn í (Vestur)Þýskalandi.

4.   Bríet.

5.   Kaþólikkar.

6.   Jethro Tull.

7.    Brasilía.

8.    Nefdýrin verpa eggjum.

9.   Bretland.

10.   Sóley.

***

Svör við aukaspurningum:

Skjáskotið er af plötunni Never Mind the Bollocks, Here's the Sex Pistols, með hljómsveitinni Sex Pistols.

Á neðri myndinni er Vala Flosadóttir afrekskona í stangarstökki.

***

Og hlekkur á þraut gærdagsins!