Allt í lagi, eruði búin með þrautina frá í gær? Hér er hún!

***

Fyrri aukaspurning:

Á myndinni hér að ofan má sjá „lógó“ samtaka, sem líklega eru ekki við lýði lengur. Hvað hétu þau? Auk hins opinbera nafns, sem samtökin kölluðu sig sjálf, dugar líka eins konar „gælunafn“ sem var oft notað um þau í fjölmiðlum.

***

1.   Hvað heitir sú persóna fullu nafni sem Ólafur Darri Ólafsson leikur í sjónvarpsseríunum Ófærð?

2.   Hvað heitir sá ráðgjafi Donalds Trumps Bandaríkjaforseta sem tilkynnt var að hefði smitast af kórónaveirunni rétt á UNDAN honum og konu hans, og gæti því hafa smitað þau hjónin?

3.   Maður nokkur var skotinn til bana í bíl sínum þann 4. júní 1942 í Prag í Tékklandi. Hvað hét hann?

4.   Hversu þungt er hænuegg að meðaltali? Skekkjumörk koma í ljós í svarinu.

5.   Hvað heitir forsætisráðherra Noregs?

6.   Hvar í Asíu lifa ljón ennþá villt?

7.   „Einhver hlýtur að hafa verið að ljúga einhverju upp á Jósef K., því einn morguninn var hann handtekinn án þess að hafa gert nokkuð af sér.“ Þannig hefst skáldsaga um martraðarkennd réttarhöld. Hver skrifaði söguna?

8.   Á fjórða áratugnum hófu Þjóðverjar að framleiða Volkswagen, bíl sem átti að vera svo ódýr að allir hefðu efni á honum. Hver átti mestan þátt í að teikna og hanna þennan bíl?

9.   Hvað heitir höfuðborgin í Japan?

10.   Við hvaða reikistjörnu er tunglið Ganymedes?

***

Og síðari aukaspurning:

Hver er þetta?

***

Svör við aðalspurningum:

1.   Andri Ólafsson.

2.   Hope Hicks.

3.   Reinhard Heydrich.

4.   50-70 grömm.

5.   Erna Solberg.

6.   Á Indlandi.

7.   Franz Kafka.

8.   Porsche. Hitler setti nokkur skilyrði en hann teiknaði eða hannaði ekkert.

9.   Tókíó.

10.   Júpíter.

***

Svör við aukaspurningum:

Lógóið er merki þýsku hryðjuverkasamtakanna Rote Armee Fraktion (Rauða herdeildin), sem oft voru kölluð Baader-Meinhof samtökin.

Konan er söngstjarnan Miley Cyrus.

***

Og þá er ekkert eftir nema birta aftur hlekk á þrautina frá í gær!