Þraut gærdagsins? Jú, hér er hún.
***
Fyrri aukaspurning:
Hvað heitir konan á málverkinu hér að ofan, en málverkið er „byggt á sönnum atburðum“ eins og nú er sagt um bíómyndir.
***
Aðalspurningar:
1. Hvaða nasistaforingi flaug til Bretlands árið 1941? Hann mun hafa ímyndað sér að hann gæti samið frið millum Breta og Þjóðverja.
2. Fyrst minnst er á nasistaforingja: Joseph Goebbels áróðursmálaráðherra Hitlers varð doktor aðeins 24 ára gamall. Í hvaða fræðigrein?
3. Í hvaða landi gerist Disney-myndin Mulan?
4. Snemma árs 1981 tilkynnti söngkonan Ragnhildur Gísladóttir að hún væri hætt í hljómsveitinni þar sem hún hafði starfað undanfarið og ætlaði að stofna kvennahljómsveit. Þá fyrstu á Íslandi, svo ég viti til. Hvað nefndist kvennahljómsveitin sem hún stofnaði?
5. En í hvaða hljómsveit hætti Ragnhildur við þetta tækifæri?
6. Hvað heitir hæsti tindur Íslands?
7. Hver lék aðalhlutverkið í kvikmyndinni Terminator frá 1984?
8. Hvað heitir lénsherrann á Vetrarfelli, þá við fyrst fréttum af þeim kaldranalega stað?
9. Hver setti fram tregðulögmálið, sem snýst um að hlutur heldur annað hvort kyrru fyrir eða heldur áfram í sömu stefnu og á sama hraða, nema eitthvað utankomandi verki á hlutinn?
10. Í hvaða núverandi ríki hafa fornleifafræðingar fundið elstu leifar af vatnsklósettum sem vitað er um?
***
Og þá er það seinni aukaspurning:
Hver er þetta?
***
Svör við aðalspurningum:
1. Rudolf Hess.
2. Málfræði.
3. Kína.
4. Grýlurnar.
5. Brimkló.
6. Hvannadalshnjúkur.
7. Arnold Schwarzenegger.
8. Eddard eða „Ned“ Stark.
9. Isaac Newton.
10. Pakistan.
***
Þá eru það svör við aukaspurningum.
Á efri myndinni má sjá Charlotte Corday þegar hún hafði nýlokið við að myrða franska byltingarleiðtogann Marat þar sem hann sullaði í baðinu sínu. Myndina málaði Paul-Jacques-Aime Baudry með hliðsjón af frægu málverki eftir David.
En á neðri myndinni má sjá Jacqueline Lee Bouvier. Hún gekk á fullorðinsárum að eiga tilvonandi Bandaríkjaforseta og nefndist eftir það Jacqueline Kennedy, og enn síðar Jacqueline Onassis.
***
Spurningaþrautin
Fyrri grein
164. spurningaþraut: Ljón í Asíu, maðurinn skotinn í Prag, hve þung eru egg?
Næsta grein
Athugasemdir