Ráð­gjafa­nefnd Gerð­ar­safns hefur sent frá sér yfir­lýs­ingu þar sem sú staða sem komin er upp í Gerð­ar­safni í Kópavogi, með brott­hvarfi safn­stjór­ans Jónu Hlífar Hall­dórs­dóttur. Jafn­framt styður ráðið ákvörðun Jónu Hlífar, að segja upp störfum.

Jóna Hlíf sagði upp störfum sem for­stöðu­maður Gerð­ar­safns síð­ast­lið­inn fimmtu­dag, líkt og greint var frá í Stund­inni. Ástæða þess eru sam­starfsörð­ug­leikar Jónu Hlífar við sinn næsta yfir­mann, Soffíu Karls­dóttur, sam­starfsörð­ug­leikar sem Jóna Hlíf lítur á sem ein­elti í sinn garð. Forveri Jónu Hlífar í starfi sagði einnig upp störfum vegna fram­göngu Soffíu í sinn garð.

Lýsa áhyggjum af framtíð Gerðarsafns

Ráð­gjafa­nefnd Gerða­safns er safn­stjóra til ráð­gjafar um mál­efni tengd upp­setn­ingum sýn­inga og kaupum á lista­verkjum. Í yfir­lýs­ing­unni, sem beint er til lista og menn­ing­ar­ráðs Kópa­vogs­bæjar, er farið fögrum orðum Jónu Hlíf og starf hennar í Gerð­ar­safni, sem hún er sögð hafa sinnt af mik­illi alúð, fag­mennsku og fram­sýni.

„Frá fyrsta degi hefur hún haft hag mynd­list­ar­innar að leið­ar­ljósi, hag lista­manna og hag Gerð­ar­safns sem menn­ing­ar­stofn­unar. Jóna Hlíf hefur lagt vinnu og hug­kvæmni í að byggja upp barna- og fjöl­skyldu­starf til að opna safnið og heim mynd­list­ar­innar fyrir almenn­ingi. Sýn­ing­ar­hald síð­ustu ára hefur verið sér­lega öfl­ugt, fram­sækið og mik­il­vægt fyrir mynd­list­ina í land­inu.

„Þrátt fyrir þetta kraft­mikla starf hefur safn­stjór­inn orðið fyrir gegnd­ar­lausum árásum“

Þrátt fyrir þetta kraft­mikla starf hefur safn­stjór­inn orðið fyrir gegnd­ar­lausum árásum, ein­elti og und­ir­ferli í sam­vinnu sinni við yfir­menn sína hjá Kópa­vogsbæ sem hafa hamlað fram­förum og þróun. Fyr­ir­renn­ari safn­stjóra sagði einnig starfi sínu lausu eftir stutta setu í starfi vegna sams­konar sam­starfsörð­ug­leika. Báðir voru safn­stjór­arnir valdir úr stórum hópi umsækj­enda og óum­deildir fag­menn innan fags­viðs mynd­listar.“

Brott­hvarf Jónu Hlífar sé því áfall og ráð­gjafa­nefndin lýsit áhyggjum af fram­tíð safna­starfs í Lista­safni Kópavogs, Gerð­ar­safni, verði fag­legur metn­aður ekki lát­inn ráða í starfi safns­ins. Í ljósi stöð­unnar sjái nefnd­ar­menn sér ekki lengur fært að sitja í ráð­gjafa­nefnd safns­ins og segja sig úr henni. Um er að ræða fólk sem hefur mikla vigt innan íslenska mynd­list­ar­heims­ins. Í nefnd­inni sátu Ólöf Nordal, mynd­list­ar­maður og pró­fessor við mynd­list­ar­deild Lista­há­skóla Íslands, Jón B. K. Ransu, mynd­list­ar­maður og deild­ar­stjóri við list­mál­ara­braut Mynd­lista­skól­ans í Reykja­vík og Björg Stef­áns­dóttir, sér­fræð­ingur í menn­ing­ar­málum.