Umboðs­maður Alþingis telur að leysa gæti þurft deilu yfir­lækna á Land­spít­al­anum við spít­al­ann fyrir dóm­stólum. Þetta kemur fram í nýju áliti umboðs­manns vegna kvört­unar Lækna­fé­lags Íslands sem send var í des­em­ber í fyrra.

Lækna­fé­lagið telur að í skipu­riti Land­spít­al­ans sem tekið var í notkun síð­asta haust felist „ólög­mæt ábyrgð­ar­svipt­ing yfir­lækna sem þjóni ekki bestu hags­munum sjúk­linga“. Þá telur Lækna­fé­lagið að skipu­ritið, sem Svandís Svav­ars­dóttir heil­brigð­is­ráð­herra stað­festi með bréfi í sept­em­ber í fyrra og tók gildi í októ­ber, sé ólög­mætt. Það sama hafi gilt um fyrra skipu­rit, þar sem yfir­læknar á Land­spít­al­anum séu sviptir ábyrgð sem kveðið er á um í lögum.

Umboðs­maður hefur í eldra áliti beint til­mælum til ráðu­neyt­is­ins og Land­spít­al­ans þess efnis að ekki sé hægt að fela öðrum en yfir­læknum þá fag­legu ábyrgð á þeirri lækn­is­þjón­ustu sem undir þá heyrir sam­kvæmt lögum. Umboðs­maður telur hins vegar í nýja álit­inu að til að leysa úr því hvort yfir­læknar …