Guð­mundur Ragn­ars­son, fyrr­ver­andi for­maður Félags vél­stjóra og málm­tækni­manna (VM), stað­festir að hann hafi fengið í hendur þau gögn sem Helgi Seljan lagði til grund­vallar umfjöllun sinni um hugs­an­leg brot Samherja á gjald­eyr­is­lögum í Kast­ljóss­þætti 2012. Þor­steinn Már Bald­vins­son, for­stjóri Samherja, sagði í for­síðu­grein Frétta­blaðs­ins í dag, að gögnin hefðu verið fölsuð af Helga, en sama ásökun birt­ist í heim­ild­ar­mynd Samherja með við­tölum við starfs­menn og við­skipta­fé­laga félags­ins.

Fyrr­ver­andi for­stöðu­maður Verð­lags­stofu skipta­verðs, sem Helgi ber að hafi unnið umrætt skjal, minn­ist þess hins vegar ekki að hafa gert það og telur rétt með farið hjá starfs­manni Verð­lags­stofu að sem segir í tölvu­póstum til Samherja að engin slík vinna hafi farið fram.

Í mynd­bandi Samherja sem birt var í morgun var því haldið fram að gögnin sem byggt var á í umfjöllun í Kast­ljósi árið 2012, skýrsla um sam­an­burð á útflutn­ings­verði á karfa til Þýska­lands, hefðu ýmist ekki verið til eða að Helgi hefði „átt við þau“. Umrædd gögn sýndu fram á að Samherji seldi dótt­ur­fyr­ir­tækjum sínum í Þýsklandi afla á lægra verði en hefur tíðk­að­ist í sam­bæri­legum við­skiptum milli ótengdra aðila. Var yfir­skrift mynd­bands­ins „Skýrslan sem aldrei var gerð“. Umfjöllun Helga og Kast­ljóss varð til þess að gjald­eyr­is­eft­ir­lit Seðla­bank­ans hóf rann­sókn á hugs­an­legum brotum Samherja á lögum um gjald­eyr­is­við­skipti.

Í tölvu­póst­sam­skiptum Ing­veldar Jóhann­es­dóttur, deild­ar­stjóra Verð­lags­stofu, til starfs­manns Samherja, Hákons Guð­munds­sonar, frá því í apríl á þessu ári, sem birt eru í mynd­bandi Sam­herj­a­manna, heldur Ing­veldur því fram að engin skýrsla hafi verið gerð. Það stang­ast hins vegar á við orð Guð­mundar Ragn­ars­sonar, fyrr­ver­andi for­manns VM. Þegar Stundin ræddi við Ingveldi í dag sagð­ist hún vera í sum­ar­fríi og sagð­ist kjósa að tjá sig ekk­ert frekar um málið.

Notaði sömu gögn og Helgi við  eigin greinaskrif

Guð­mundur Ragn­ars­son sat í úrskurð­ar­nefnd sjó­manna og útvegs­manna, nefnd sem hefur það hlut­verk að ákveða fisk­verð sem nota skuli við upp­gjör á afla­hlut áhafna ein­stakra skipa. Í sam­tali við Stundina stað­festir hann að hafa séð umrædd gögn, sem Helgi og Kastljós byggðu umfjöllun sína á. Guð­mundur byggði meðal ann­ars grein sem hann rit­aði í Tímarit VM, um verð­mun á sjáv­ar­afla milli Íslands og ann­ara landa, á þeim tölum sem í gögn­unum voru.

„Ég get alveg stað­fest það, við fengum þessar tölur frá Verð­lags­stof­unni“